पोखरा ।
पोखरामा आगामी २०८३ साल वैशाख २४ गते ‘BEAT THE SPEED’ प्रतियोगिता आयोजना हुने भएको छ। WorldLink Communications Ltd. को आयोजनामा हुने उक्त कार्यक्रम पोखरा रंगशालास्थित क्रिकेट मैदानमा दिउँसो ४ बजे सुरु हुनेछ।
स्पीड परीक्षणमा आधारित यस प्रतियोगितामा सहभागी खेलाडीहरूले आफ्नो बलिङ गति मापन गराउने अवसर पाउनेछन्। प्रतियोगितामा National Sports Council द्वारा प्रमाणित मापन प्रक्रिया अपनाइने आयोजकले जनाएको छ।
प्रतियोगितामा उत्कृष्ट प्रदर्शन गर्दै पोखराबाट टप १० मा पर्न सफल खेलाडीहरू फाइनल चरणका लागि छनोट हुनेछन्। साथै ‘BEAT THE SPEED Season 3’ अन्तर्गत विजेता, फर्स्ट रनर-अप र सेकेन्ड रनर-अपलाई आकर्षक पुरस्कार प्रदान गरिनेछ।
विजेताले नगद रु. १ लाखसहित भारतको बैंगलोरस्थित Just Cricket Academy मा ३ महिनाको फास्ट बोलिङ प्रशिक्षण प्राप्त गर्नेछन्। त्यस्तै, फर्स्ट रनर-अपले रु. ५० हजार र सेकेन्ड रनर-अपले रु. २५ हजार नगद पुरस्कार पाउनेछन्।
यस कार्यक्रममार्फत प्रतिभावान क्रिकेट खेलाडीहरूको पहिचान तथा प्रोत्साहन गरिने आयोजकको विश्वास छ। आयोजकले इच्छुक खेलाडी तथा सरोकारवाला सबैलाई कार्यक्रममा सहभागिताका लागि आग्रह गरेको छ।
Discussion about this post