पोखरा । रुपा युवा क्लबको आयोजनामा रुपातालको छेउमा सातौं रुपा सिष्ठेनी मेला हुने भएको छ।
करीब ६ सय वर्ष अघिदेखि नै सिष्टाचार भेटघाटको रुपमा सुरु भएको सिष्ठेनी मेला डुङ्गा धाटमा सिट्ठी बजाउने ,जमघटका रुपमा घाेडा सहित उपस्थित भए र मुखिया ,पञ्चहरुले छाेराछाेरीकाे योजना समेत तत्कालीन समयमा त्यसै मेलामा गर्ने गरेका किम्बदन्ती पाइने गरेका छन्।
स्थानीय रुपा युवा क्लबले विगत केही वर्ष देखि मेलालाई व्यवस्थित गर्दै अाएकाे छ। यस वर्ष २०८१ साल चैत २२ गतेदेखि २०८२ साल वैशाख २ गतेसम्म मेला हुने भएको रुपा युवा क्लबका अध्यक्ष नमराज खड्काले जानकारी दिएका छन् ।
मेलामा लोक दोहोरी, रत्यौली प्रतियोगिता, भलिबल प्रतियोगिता, कृषि प्रदर्शनी, झाकी, फूड फेस्टिवल, जैविक विविधता प्रदर्शनी, रुपातालको माछा प्रदर्शनी, पर्प कन्सर्ट, बाल उद्यान लगायतका कार्याक्रमहरु हुने भएका छन् ।
महिला पुुरुष रस्साकसी प्रतियोगिता, छेलो प्रतियोगिता, साहित्य कला, संस्कृति धर्मको जागरण गर्ने, रुपाताल वरिपरि क्षेत्रको लागि विकासको पहल गर्ने, आन्तरिक र बाहय पर्यटन प्रवद्धर्न गर्ने लगायतको उद्देश्यले मेलाको आयोजना गरिएको क्लबका संस्थापक अध्यक्ष धिरजकुमार श्रेष्ठले जानकारी दिए ।
मेला सम्पन्न गर्न करीब ३५ लाख खर्च लाग्ने अनुमान गरिएको छ भने करीब २ लाख बचत हुने अनुमान गरिएको छ । १ सय १५ स्टल रहने करिब १ लाख दर्शकले मेलाको अवलोकन गर्ने अनुमान गरिएको प्रायोजन व्यवस्थापन समितिका संयोजक बसन्त जोसीले बताए ।
सल्लाहकार संयोज कुलप्रसाद अधिकारीले मेलाको इतिहासको विषयमा जनाकारी गराएका थिए ।
मेला सम्पन्न गर्नको विभिन्न उपसमितिहरु गठन गरिएक छन् । प्रचार प्रसार उपसमितिको संयोजकमा हरि सुबेदी, सचिवालय संचालन तथा खेलाडी व्यवस्थापन उपसमितिको संयोजकमा सन्तोष सुनार, खानेपानी व्यवस्थापन उपसमितिको संयोजक भक्त बहादुर खड्का, सुरक्षा उपसमिति संयोजकमा सुवास मिजार हेका छन् ।
यस्तै मञ्च व्यवस्थापन तथा साउन्ड सिस्टम उपसमिति संयोजकमा वर्मा सुनार, मुख्य प्रवेशद्धार व्यवस्थापन उपसमितिको संयोजकमा ईश्वर श्रेष्ठ, प्राथाकिक उपचार उपसमितिमा नारायण केसी, अनुगमन उप समितिको संयोजक मोहनलाल जोशी, खेलकुद व्यवस्थापन उपसमिति संयोजक कृष्णलाल जोशी रहेका छन् ।
Discussion about this post