लेखनाथ, २ फागुन । वि स २०४४ सालमा पोखराको सृजना युवा क्लव र केही वहिरा शिक्षकको अग्रसरतामा स्थापना भएको सृजना वहिरा आवासिय माविमा अध्यनरत विद्यार्थीहरुको पढाईको अन्तिम टु®ो कक्षा १२ सम्म मात्र छ ।
दुई जना शिक्षक सुर्यमोहन वराल र स्वर्गीय ओम गौचनले सात जना विद्यार्थीहरु लिएर स्थापना भएको विद्यालयमा अध्यनरत विद्यार्थीहरुले ३७ वर्ष सम्म पुग्दा पनि कक्षा १२ माथीको पढाई पढ्न काठमाडौको नक्साल स्थीत केन्द्रिय वहिरा क्याम्पस नै धाउनु पर्ने बाध्यात्मक अवस्था छ ।
फरक क्षमता भएका विद्यार्थीहरुका लागि सांकेतीक शब्दको प्रयोग गरि नेपाल सरकार कै पाष्ठक्रम अनुसार पढदै आएका छन् । सृजना विकास केन्द्रको संरक्षकत्वमा रहेका उक्त विद्यालय वि स २०५८ सालमा लेखनाथको अर्घौचेकमा स्थान्त्रण भए पछि एल एल सी को परिक्षामा सहभागी हुदै आएको र अहिलेसम्म दुई सय ४३ जना विद्यार्थीले एस एल सी पास गरिसकेका र चार सय आठ जनाले कक्षा १२ उत्रिण गरिसकेका छन् ।
वहिरा विद्यार्थीहरुको पढन पाठनका लागि नेपाल भरी २५ वटा र कक्षा १२ सम्मको पढाई हुने सात वटा विद्यालयमा अध्यानरत विद्यार्थी कक्षा १२ पास भए पछिको पढाईका लागि काठमाडौ नै जानु पर्ने बाध्यात्कक अवस्थाले गर्दा वेरोजगारी हुनु परेको छ भने कति पय विद्यार्थीहरु आफुले प्राप्त गरेको सिपले शिक्षण पेशा,स्वरोजगार र कृर्षीकर्मबाट आफनो जिवन यापन गरि रहदाँ पनि राज्य तहबाट कक्षा १२ पछिको थप पढाईका लागि सरल तरिकालाई ध्यान नदिएको विहिवार विद्यालयको ३७ औं वार्षिकोत्सव तथा अभिभावक दिवसका बक्ताहरुले गुनासो राखेका हुन् ।
वहिरा विद्यार्थीहरुलाई लक्ष्यीत गर्दै प्रत्येक प्रदेशमा कक्षा १२ को पढाई सकेपछि थप अध्यानको ब्यवस्था गर्नु पर्ने सुझाव राखिएको कार्यक्रममा फरक क्षमता भएका विद्यार्थीहरुका लागि राज्यले शौध्यान्तीक र सिप मुलक शिक्षाका बारेमा ध्यान दिने हो भने वहिरा विद्यार्थीहरुको जिवन यापनका लागि सहज हुनेमा जोड दिईएको थियो ।
कार्यक्रमको उद्घाटन गर्दै गण्डकी प्रदेशका सामाजिक विकास एवंम खेलकुद मन्त्रि बिन्दु कुमार थापाले वहिरा विद्यार्थीहरुका लागि प्रदेश सरकारले नयाँ योजनाका साथ अगाडी वढ्ने सोच राखेएको वताउदै तत्कालका लागि जिवन उपयोगी शिक्षाका लागि ब्यवसायिक सिपमुलक र जिवन उपयोगी शिक्षा आवस्यक रहेको धारणा राखेका थिए ।
सोही अवसरमा विगत लामो समय देखि रोकिएको विद्यालयले प्रकाशन गर्ने गरेको जो सुन्दैन स्मारिकाको अंक ३ को विमोचन गरिएको थियो भने सृजना वहिरा माविकी भुपु विद्यार्थी सुनिता थापा गण्डकी प्रदेशको मनोनित सासंद भएको वधाई सहित सन्मान गरिएको थियो ।
विद्यालय ब्यवस्थापन समितिका अध्यक्ष प्रकाशलाल श्रेष्ठले चारै तिर वाटोको मापदण्ड भित्र विद्यालय परेकाले खुल्ला उपयुत्त ठाउको खोजीमा रहेको वताएका थिए भने बिद्यालयका प्रअ सुनिल कुमार भण्डारीले विद्यालयको भौतीक अवस्था परिवर्तन पनि शौंक्षिक अवस्था परिवर्तन गर्न नसकिएको र राज्यको सिमित आर्थीक सहयोगले पढ्न आउने सवै विद्यार्थीहरुलाई भर्ना गर्न नसकिएको यथार्थता प्रस्तुत गरेका थिए ।
विविध सास्कृत कार्यक्रम र गत शौक्षीक सत्रमा उत्कृष्ठ स्थान हासिल गर्न सफल विद्यार्थीहरुलाई पुरस्कृत गरिएको कार्यक्रममा पोखरा महानगरपालिका वडा नं २६ का वडाअध्यक्ष नरेन्द्र थापा, वडा नं ९ का वडाअध्यक्ष दिपेन्द्र मर्शानी, पोखरा महानगरपालिका शिक्षा महासाखाका वरिष्ठ शिक्षा अधिकृत बद्रनाथ सुवेदी,राष्ट्रिय वहिरा महासंघका केपी अधिकारी,विन्ध्यवासी माविका प्रधानाध्यापक कृष्ण प्रसाद आचार्य लगाएतले वहिरा विद्यार्थीका लागि सहज रुपमा पढन पाठनको ब्यवस्था मिलाउनका लागि राज्यले ध्यान दिनु पर्नेमा जोड दिएका थिए ।
Discussion about this post