लेखनाथ, २ फागुन । पोखरा महानगरपालिका वडा नं २७ को शिक्षा समितिले पोखरा र आसपासका विद्यालयहरुलाई समेटेर बृहत शैक्षिक प्रदर्शनी र हाजिरी जवाफ प्रतियोगिता गरेको छ ।
विद्यालयहरुका बीच शैक्षिक सहकार्य वढाउने र विद्यार्थीहरुको प्रतिभा प्रदर्शनको अवसर सृजना गरी शैक्षिक गतिविधी वढाउन सहज हुने गरि दुई दिने शौक्षीक कार्यक्रम अन्तरगत शुक्रवार राखिएको मावि स्तरीय बृहत हाजिरी जवाफ प्रतियोगितामा डायमण्ड माविले प्रथम स्थान हासिल गरेको छ ।
प्रतियोगितामा सहभागी १२ बिद्यालय मध्यबाट प्रथम हुन सफल डायमण्ड माविले १० हजार,द्धितिय लक्ष्मी आदर्श माविले सात हजार,तृतीय जनप्रकाश माविले पाँच हजार र सान्त्वना ब्रहमारुपा मावि तिन हजार नगद पुरस्कार हात पारेका छन् ।
यस पुर्व कार्यक्रमको उद्घाटन गर्दै पोखरा महानगरपालिका वडा नं २७ का वडाअध्यक्ष पुर्ण कुमार गुरुङले विद्यार्थीहरुले विज्ञान,प्रविधी,वातावरण,कृषि,सामाजिक,भाषा र सस्कृतीका वारेमा जानकारी पाउन सक्ने विश्वास दिलाएका थिए । साथै वडाअध्यक्ष गुरुङले वडाको लगानीमा लक्ष्मी आदर्श माविमा पाँचवटा विधामा प्राविधिक शिक्षाको पढाई संचालन गर्दै आएको वताउदै आगामी दिनमा कितावी ज्ञानको साथमा सिपमुलक शिक्षालाई प्रथामिकता दिनु पर्ने अवस्था आएको वताए ।
लक्ष्मी आदर्श मावि विद्यालय ब्यवस्थापन समितिका अध्यक्ष राजेन्द्रमणि लामिछानेको अध्यक्षतामा भएको कार्यक्रममा शिक्षा समिति वडा नं २७ का सदस्य चतुराखर अधिकारी,यम वहादुर रोक्का,शिक्षक अभिभावक संघका अध्यक्ष वामदेव शर्मा जमरकटेल,विद्यालयका प्रधानाध्यापक शिवमणि भण्डारी र शिक्षीका कोपिता धिताल लगाएतले कार्यक्रमको उदेस्य र उपयोगिताका बारेमा जानकारी गराएका थिए ।
यसैविच दोस्रो दिनको कार्यक्रम अन्तरगत शनिवार बृहत शैक्षिक प्रदर्शनी प्रतियोगिता डायमण्ड माविमा हुने छ । जसका लागि दर्ता शुल्क निःशुल्क र पाष्ठेक्रममा आधारीत शैक्षिक प्रदशनीमा पोखरा आसपास र छिमेकी जिल्लाका करिव ५० भन्दा वढि विद्यालयका विद्यार्थीहरुको सहभागीता रहने अपेक्ष्या गरिएको छ ।
Discussion about this post