लेखनाथ, २२ माघ । कास्कीको अग्रणी शौक्षीक सस्था डायमण्ड माविले आफनो ३८ औं बार्षिकोत्सव त्रिदिवसीय रुपमा मनाउन लागेको छ ।
पोखरा महानगरपालिका वडा नम्वर २७ को तालचोकमा रहेको डायमण्ड माविले बुधवार देखि यस वर्षको बार्षिकोत्सवलाई तिन दिनसम्म फरक र भिन्न शैलीले मनाउन लागेको हो ।
यसैक्रममा पहिलो दिन बिद्यार्थीको अध्ययन र पठन पाठनमा उत्प्रेरक गराउने उदेस्यले पढाई उत्सव,दोस्रो दिन विद्यार्थीहरुद्धारा निर्मित खाद्य उत्सव र अन्तिम माघ २४ गते मुल समारोहमा सन्मान तथा पुरस्कार वितरणका कार्यक्रम तय गरिएको छ ।
यसैविच बुधवार भएको पढाई उत्सवमा बोल्दै कवि तथा गीतकार नेपाल टेलिभिजनका कार्यक्रम निर्देशक नवराज लम्सालले बाल्यकालमा सिकेको सिकाई जिवन्त र जिवन उपयोगी भएकाले आफुले भोगेका गाउले जिवन देखि शहरीय जिवनका अनुभव सुनाएका थिए ।
विद्यालयका प्राचार्य यम वहादुर रोक्काको अध्यक्षतामा भएको कार्यक्रममा सुप्रशिद्ध आख्यानकार कपिलदेव लामिछाने,समालोचक साहित्यीक सष्टा कृष्णशरण उपाध्याय,समकालीन छन्द कवि शिव त्रिपाठी लगाएतले सिकाईको कुनै सिमा नहुने भएकाले विद्यार्थीहरुका लागि बैज्ञानीक कार्यप्रणाली र बालमैत्री वातावरणलाई ध्यान दिनु पर्ने सुझाव राखेका थिए ।
नर्सरी देखि कक्षा ३ सम्म एउटा कार्यक्रम र कक्षा ४ देखि कक्षा १२ सम्मका विद्यार्थीहरुका लागि आर्को कार्यक्रम राखिएको थियो । विषेश गरि विद्यार्थीमा पढाईको वातावरण सृजन गर्ने उदस्यले राखिएको कार्यक्रममा विद्यालयका निर्देशक माधवशरण उपाध्यायले स्वागत मन्तव्य र शिक्षक प्रदिप पोखरेल,कविता गुरुङ र हरियामा गुरुङ लगाएतले कार्यक्रम संचालन गरेका थिए ।
कार्यक्रम संयोजक अनुराधा शर्माले पढाई महोत्सवका वारेमा जानकारी दिएको कार्यक्रममा ब्यवस्थापक हरि प्रसाद लामिछाने र शैक्षीक प्रमुख ई.सञ्जीव थापा लगाएतले डामण्डले शौक्षीक क्षेत्रमा देखाएको योगदानका कारेमा चर्चा गरेका थिए ।
Discussion about this post