लेखनाथ, ८ चैत्र । कास्कीको लेखनाथमा जारी सुर्य तारा क्लब (पोखरा) र नेपाल खेलकुद महासंघ गण्डकीको संयुक्त आयोजनामा भएको खेल महोत्सवमा फुटवल प्रतियाेगितातर्फ आदर्श युवा क्लव लेखनाथ र एल.सी.बदर्श लामाचौर फाइनलका लागि भिड्ने भएका छन् ।
बिहिबार भएकाे सेमीफाईनल चरणकाे अन्तिम खेलमा आदर्श युवा क्लवले साहारा क्लवलाई १-० काे गाेल अन्तरले हराउँदै फाईनलकाे यात्रा तय गरेकाे हाे । आदर्श क्लवको तर्फबाट बिकास परियारले दोश्राे हाफको अन्तिम समयमा गरेको गोल नै निर्णायक गाेल बनेकाे थियाे । प्रतियाेगिताकाे उपाधीका लागि शिनबार हुने फाईनल खेलमा आदर्श युवा क्लबले एल.सी. ब्रदर्श लामाचौरसंग प्रतिष्पर्धा गर्नेछ ।
यस अघि बुधबार भएको पहिलाे सेमीफाईनल खेलमा ४–३ को गोल अन्तरले आर एस फुटबल क्लवलाई हराउँदै एल.सी. ब्रदर्शले फाईनलमा स्थान बनाएकाे थियाे । खेलकाे निर्धारीत समयमा पनि दुवै पक्षबाट कुनै गोल हुन नसकेपछि खेल टाइब्रेकरमा धकेलीएको थियो । टाईब्रेकरमा पनि ३–३ को बराबरी भएपछि सडन डेथमा ४–३ को गोल अन्तरले आर एस फुटबल क्लवलाई एल.सी. ब्रदर्शले पराजित गरेकाे थियाे ।
फाईनल खेल शनिबार पाेखरा-२९ स्थित प्रस्तावित भण्डारढिक रंगशालामा दिउँसाे १:०० बजे हुनेछ । विजेता टिमले नगद रु ३ लाख ३ हजार ३ सय ३३ र उप विजेता टिमले १ लाख ७७ हजार ७ सय ७७ सहित शिल्ड, मेडल र प्रमाण पत्र प्राप्त गर्ने सुर्यतारा क्लवका अध्यक्ष एवं महोत्सवका संयोजक विष्णु पुनले जानकारी दिएका छन् ।
यस्तै खेल महोत्सवमा विभिन्न आठ विधाका प्रतियोगिताहरु समावेस गरिएकोमा विहिवार देखि सुरु भएको जिल्ला स्तरिय लोक दोहोरी गित प्रतियोगितामा नौ टिमको सहभागीता रहेको लोक दोहोरी गायक तथा कार्यक्रम संचालक शिवहरि ढुगानाले जानकारी दिएका छन् । प्रतियोगितामा प्रथम हुने समुहले ३३ हजार दोस्रो हुनेले २२ हजार, तृतिय हुनेले ११ हजार र सान्त्वना हुनेले ५ हजार पुरस्कार प्राप्त गर्नेछन् ।
Discussion about this post