लेखनाथ, ११ चैत्र । सुर्य तारा क्लब (पोखरा) र नेपाल खेलकुद महासंघ गण्डकीको संयुक्त आयोजनामा चैत्र ३ गतेदेखी लेखनाथमा आयोजीत सुर्य तारा (नेकाेस) खेल महाेत्सव शनिबार सम्पन्न भएकाे छ ।
महाेत्सवकाे मुख्य आकर्षणको रूपमा फुटबल प्रतियाेगिताकाे उपाधी एल सि ब्रदर्श लामाचाैरले हात पारेकाे छ । शनिबार सम्पन्न फाईनल खेलमा आदर्श युवा क्लव भण्डारढिकलाई १-० काे गाेल अन्तरले हराउँदै एल सि ब्रदर्श प्रतियाेगिताकाे च्याम्पियन बन्न सफल भएकाे हाे ।एलसी ब्रदर्शको जीतमा म्यान अफ द म्याच बनेका किशोर गुरुङले निर्णायक गोल गरेका थिए । उपाधिसँगै एल सि ले नगद रु ३ लाख ३ हजार ३ सय ३३, शिल्ड, मेडल र प्रमाण पत्र प्राप्त गरेकाे छ ।
घरेलु मैदानमा दर्शककाे साथ पाएकाे आदर्श युवा क्लवले भने उप विजेतामै चित्त बुझाउनु परेकाे छ । उप विजेताकाे उपाधिसँगै आदर्शले १ लाख ७७ हजार ७ सय ७७ सहित शिल्ड, मेडल र प्रमाण पत्र प्राप्त गरेकाे छ ।
विधागततर्फ उत्कृष्ट गोलरक्षकका रुपमा एलसी ब्रदर्शका सन्दीप राउत घोषित भए । यस्तै उत्कृष्ट डिफेन्डरका रुपमा आदर्श क्लब भण्डारढिकका अर्जुन गुरुङ र सर्वाधिक गोलकर्ताका रुपमा विकाश परियार पुरस्कृत बने । सो प्रतियोगिताबाट अनुशासित टिमको रुपमा आरएस बिच फुटबल क्लब पुरस्कृत भयाे । गत ३ गतेदेखि सञ्चालनमा रहेको सो प्रतियोगितामा कुल १२ टिमको सहभागिता रहेको थियो ।
महाेत्सवमा फुटबल, ब्याडमिन्टन, एथ्लेटिक, तेक्वान्दाे, खुल्ला महिला स्लाे स्कुटर रेस, गण्डकी प्रदेश स्तरीय तेक्वान्दाे प्रतियाेगिता र संघसंस्था स्तरिय झाँकी प्रदर्शनी प्रतियाेगिता समपन्न भएकाे खेल संयाेजक एवं नेपाल खेलकुद महासंघका केन्द्रीय सचिव विष्णु पुनले जानकारी दिए।
यस्तै महाेत्सवमा बिहिवार देखि सुरु भएको जिल्ला स्तरिय लोक दोहोरी गित प्रतियोगितामा बाग्लुङकाे समूह प्रथम, पाल्पाकाे समुह दाेश्राे, कास्कीकाे समूह तेश्राे र लमजुङकाे समूह सान्त्वना भएका छन । प्रतियाेगितामा नौ टिमको सहभागीता रहेको लोक दोहोरी गायक तथा कार्यक्रम संचालक शिवहरि ढुगानाले जानकारी दिए । प्रतियोगितामा प्रथम हुने समुहले ३३ हजार दोस्रो हुनेले २२ हजार तृतिय हुनेले ११ हजार र सान्त्वनाले पाँच हजार पुरस्कार प्राप्त गरेका छन।
Discussion about this post