रामशरण नेपाली, कार्तिक १३, लेखनाथ ।
सर्वेश्वर वचत तथा ऋण सहकारी संस्था लि. पोखरा–२७ डाँडाको नाकले आफ्नो सामाजीक उत्तरदायित्व कार्यक्रम अन्र्तगत शनिबार निशुल्क दन्त तथा आँखा शिविर सम्पन्न गरेको छ ।
संस्थाको आयोजना एवं एन ए ओ गण्डकी प्रदेश र केबीन न्यू होराईजन डेण्टल केयर सेन्टरको प्राबिधिक सहयोगमा पोखरा–२७ आवासनगरमा सञ्चालित शिविरमा ३१५ जनाको आँखा तथा दाँतको परिक्षण गरिएको छ । परिक्षण मध्ये १६८ जनाको आँखाको परिक्षण गरिएको थियो चने १४७ जनाको दन्त परिक्षण गरिएको थियो । शिविरमा गरिएको परिक्षण मध्येबाट तत्काल अस्पताल रिफर गर्नुपर्ने खालका समस्या नदेखीएको आयोजकले जानकारी दिएको छ ।
कार्यक्रमको उद्घाटन गर्दै पोखरा महानगरपालिका वडा नं. २७ का अध्यक्ष पुर्ण कुमार गुरुङ्गले स्वास्थ्य रहेसम्म जिवनमा अन्य कुराहरु गर्न सक्ने भएकाले आफ्नो स्वास्थ्यको विषयमा सबै नागरिक सचेत रहनुपर्नेमा जोड दिएका थिए ।
उनले सहकारीले आफ्ना सदस्यहरु सहित अन्य सर्वसाधारणहरुको समेत स्वास्थ्यलाई ध्यानमा राख्दै कार्यक्रमको आयोजना गरेकोमा धन्यवाद समेत व्यक्त गरेका थिए । उक्त अवसरमा वडाध्यक्ष गुरुङ्गको समेत दन्त परिक्षण गरिएको थियो ।
कार्यक्रममा केबीन न्यू होराईजन डेण्टल केयर सेन्टरका डा. लक्ष्य बहादुर कुमालले मानव स्वास्थ्यमा दाँत मुखको भुमिकामा प्रकाश पारेका थिए ।
संस्थाका अध्यक्ष चक्र बहादुर शाहिको अध्यक्षतामा सम्पन्न कार्यक्रममा उपाध्यक्ष डम्बर प्रसाद बाँस्तोलाले स्वागत गरेका थिए भने कार्यक्रमको सञ्चालन सचिव अमृता बाँस्तोलाले गरेकी थिईन ।
Discussion about this post