तनहुँ खबर
कार्तिक,८
इन्डियन प्रिमियर लिग (आईपीएल) मा मुम्बई ईन्डियन शीर्ष स्थानमा उक्लिन सफल भएको छ ।
गएराति चेन्नई सुपर र मुम्बई ईन्डियन बिच भएको खेलमा मुम्बईले १२ ओभर २ बलमा विना विकेटको क्षतिमा सहज जित हासिल गर्न सफल भएको हो ।
टस हारेर ब्याटिङ गरेको चेन्नाईले र्निधारति २० ओभरमा ९ विकेट गुमाएर १ सय १४ रन बनाउन सफल भएको थियो । १ सय १५ रनको लक्ष्य पाएको मुम्बईले विना विकेट उक्त लक्ष्य पुरा गरे संगै जित सुनिश्चित गरेको हो । यस खेलसंगै आईपीएलको इतिहासमा पहिलो पटक चेन्नई लिग चरणबाट नै बाहिरिएको छ ।
जीतसँगै मुम्बईले १० खेलमा १४ अंक जोड्न सफल भएको छ । दिल्ली क्यापिटल्स र रोयल च्यालेन्जर्स बेङ्ग्लोरको पनि १४ अंक नै भए पनि रन रेटका आधारमा मुम्बई लिगको शीर्ष स्थानमा पुगेको हो ।
Discussion about this post