चैत्र २७, लेखनाथ
लेखनाथ सामुदायिक सेवा केन्द्रको आयोजना तथा इलाका प्रहरी कार्यालय शिशुवा कास्की र लेखनाथ सव-डिभिजन वन कार्यालयको सहकार्यमा वन डढेलो तथा आगोलागी सम्बन्धी प्रशिक्षण तथा अन्तरक्रिया कार्यक्रम सम्पन्न भएको छ।
वन डढेलो तथा आगोलागीको परिचय सहित वन डढेलोबाट हुने नोक्सानी, वनमा डढेलो लाग्न नदिन पुऱ्याउनुपर्ने होसियारी, आगोलागी भएको समयमा निभाउन के गर्ने भन्ने कुराको प्रहरी नायव निरिक्षक मेघराज पनेरुले प्रशिक्षण गरेका थिए। त्यस्तै उनले वन डढेलो लागेमा आवश्यक समन्वय तथा आकस्मिक नम्बर र कानुनी सजायका बारेमा समेत जानकारी गराएका हुन्।
संस्थाका कार्यवाहक अध्यक्ष कृष्ण रिजालको अध्यक्षतामा सम्पन्न कार्यक्रमका प्रमुख अतिथी ईलाका प्रहरी कार्यालय शिशुवाका कार्यालय प्रमुख प्रहरी नायव उपरीक्षक गुणराज बुढाथोकी, विशिष्ट अतिथी लेखनाथ सव- वन डिभीजन कार्यालयका प्रमुख सरोज जमरकट्टेलको आफ्नो मन्तव्य राख्नु भएको थियो।
कार्यक्रममा फेकोफन कास्कीका अध्यक्ष विश्वनाथ लामिछाने, मैदिताल संरक्षक समितिका अध्यक्ष भरत न्यौपाने, कालीका सामुदायिक सेवा केन्द्रका अध्यक्ष प्रविन नेपाली, नागरीक परोपकार समन्वय संस्थाका उपाध्यक्ष ईन्द्र विसास जमरकट्टेल लगायतको उपस्थिति रहेको थियो।
संस्थाका सदस्य गोविन्द वाग्लेले संचालन गरेको कार्यक्रमको धन्यबाद ज्ञापन कार्यवाहाक अध्यक्ष कृष्ण रिजालले गरेका हुन्।
Discussion about this post