लेखनाथमा ५ कि मी दौड

लेखनाथ, २४ माघ । कास्की पोखरा महानगरपालिका वडा नम्वर २६ को अर्घौचोकमा रहेको लेखनाथ बचत तथा ऋण सहकारी सस्थाको १८ औं स्थापना दिवसको अवसरमा अन्तर सहकारी ५ कि मी दौड प्रतियोगिता सम्पन्न भएको छ ।

सहकारी-सहकारीका विचको एकतालाई जोड दिने उदेस्यले शनिवार राखिएको पाँच किलोमिटर खुल्ला महिला/पुरुष दौड प्रतियोगिताको महिला तर्फ पवित्रा लामिछानेले निर्धारित दुरी २९.१५ मिनेटमा पार गर्दै प्रथम स्थान हासिल गरेकी छन् भने आसिका लामिछाने दितीय,पार्वती अधिकारी तृतीय र माया पौडेल,पवित्रा नेपाली,अंकिता लामिछाने,नारायणी अधिकारी र इन्दु कुमारी सापकोटाले सान्त्वना स्थान हासिल गरे ।

यसैगरी पुरुष तर्फ नयन बचत तथा ऋण सहकारी सस्थाका नवराज के सीले उक्त दुरी १८ मिनेटमा पार गरी प्रथम स्थान हासिल गर्न सफल भएका छन् भने दितीय सिलिङगे कृषि सहकारीका सुदिन रानाभाट,तृतीयमा दिपाङ मत्स्य सहकारीका नारायण लामिछाने र सान्त्वना खडानन्द लामिछाने,मिलन परियार,सुर्य थापा क्षेत्री,अर्पण थापा र रमिल समुदा मगर परेका छन् ।

बिजेता प्रथम हुनेले सात हजार, दितीयले पाँच हजार,तृतीयले तीन हजार र सान्त्वना हुनेले जनही एक एक हजार नगद र प्रमाण पत्र प्रदान प्राप्त गरे । यसैगरी जेष्ठ सहभागीतर्फ भरतलाल श्रेष्ठ र गंगा धमला साथै कान्छो सहभगीता पुरस्कार संकल्प अधिकारीले पाए । यसैविच सोही अवसरमा जिल्ला सहकारी संघ कास्कीले प्रदान गर्ने उत्कृष्ट ब्यवस्थापनबाट पुरस्कृत सस्थाका ब्यवस्थापक गोविन्द लामिछानेलाई समेत सम्मान गरिएको थियो ।

संस्थाका अध्यक्ष लेखनाथ सापकोटाको अध्यक्षतामा भएको कार्यक्रमको सुभारम्भ पोखरा महानगरपालिका वडा नं २७ का वडाअध्यक्ष पुर्णकुमार गुरुङले गरेका थिए भने कार्यक्रमको संचालन संस्थाका सचिव शिवप्रसाद भण्डारीले गरेका थिए ।