लेखनाथ, ५ पुस । पोखरा–२७ तालचोकमा जारी २१ औं संस्करणको लेखनाथ महोत्सवको तेश्रो दिन ४० हजार दर्शकहरुले अवलोकन गरेका छन । शनिवार विदाको दिन पनि परेकोले दर्शकहरुको संख्यामा उल्लेख्य वृद्धि भएको हो ।
हालको विषम परिस्थितिका वावजुद पनि आयोजित महोत्सवमा देखीएको दर्शकहरुको उपस्थीती र कारोबारले आफुहरुलाई उत्साहित बनाएको र यसले महोत्सवको लक्ष्यभन्दा पनि वढि दर्शक र कारोबार हुनेमा विश्वस्त रहेको संघका अध्यक्ष एवं महोत्सवका मुल संयोजक जानुका पराजुलीले वताईन ।
महोत्सवमा शनिवारमात्र १ करोड ५० लाख बरावरको आर्थिक कारोवार भएको आयोजकले जनाएको हो । तेश्रो दिन सम्म आइपुग्दा करिव १ लाख दर्शकहरुले महोत्सवको अवलोकन गरीसकेको महोत्सवका प्रचार प्रसार संयोजक ध्रुबवावु भट्टराईले बताए ।
वाल उद्यान तर्फ मात्रै १० लाख वढिको आर्थिक कारोवार भएको बाल उद्यानका संयोजक भरत थापाले दावी गरेका छन । महोत्सव गेटदेखी तीन सय ३५ स्टलपार गरी कार्यक्रम स्थल सम्म पुग्न दर्शकलाई पुग्न हम्मे हम्मे परेको थियो ।
विभिन्न जात जातिहरुको मौलीक पहिचान झल्कने साँस्कृतिक कार्यक्रमतर्फ वडहरे गन्र्दभ समाजको प्रस्तुती रहेको थियो भने विद्यालय स्तरीय कार्यक्रम अन्र्तगत आनन्द ज्योति मावि, गुरुकुल विद्याश्रम, भवानी कालिका मावि र लक्ष्मी आदर्श माविको प्रस्तुती रहेको थियो । रत्यौली तर्फ गायत्री आमा समुहले आफ्नो प्रस्तुती राखेको थियो ।
शनिबार सांगितिक कार्यक्रमतर्फ लोकदोहोरी तर्फ खुमन अधिकारी, शिवहरि ढुंगाना, मिरा पोख्रेल, शान्ता बर्देवा, गगन गुरुङ्ग, मधु थापा मगर र सुगम संगित तर्फ रचना रिमाल र डेविड शंकरको प्रस्तुती रहेको थियो ।
महोत्सवमा आईतबार लोकदोहोरीतर्फ जिवन दाहाल, कृष्ण अखेली, कला लम्साल, शिवहरि ढुंगाना, रमा गौतम, सन्तोष सुवेदी, पुजा तामाङ र बेलुका सुगम संगित तर्फ वसन्त सापकोटा, सन्तोष बस्याल र विन्दु परियारको प्रस्तुती रहने कलाकार व्यवस्थापन उप–समितिका संयोजक भरत कुमार अधिकारीले जानकारी दिएका छन ।
Discussion about this post