लेखनाथ, १ कार्तीक । पोखरा २६ को बुढिबजारमा रहेको जनप्रिय सहकारी संस्थाको २२ औं वार्षिक साधारण सभा तथा नवौ अधिवेशनले आगामी कार्यकालका लागि पुन रविन्द्र अधिकारीलाई अध्यक्षमा चयन गरेको छ ।
निर्वाचनको कार्यक्रम अन्तरगत बर्तमान अध्यक्ष अधिकारीको मात्र उमेदवारी परेकाले उनि निविरोध अध्यक्षमा चयन भएका हुन भने उपाध्यक्ष पदका लागि तीन जनाको उमेदवारी परे पनि अन्तिम अवस्थामा सर्वसम्वत रुपमा कर्ण बहादुर जि सीलाई चयन गरिएको हो ।
यसैगरि समितिको सचिवमा दिपकनाथ भण्डारी,कोषाध्यक्षमा राजेश कुमाल सह सचिवमा पबित्रा गौतम ढुगाना रहेकी छन् भने समितिको सदस्यहरुमा रमेश जि सी,बुद्धराज वस्याल,समन्त रानाभाट र सुजन लामिछाने रहेका छन् । सोही भेलाले लेखा समितिको संयोजकमा राम कुमार श्रेष्ठ र सदस्यहरुमा पितृप्रसाद शर्मा र पुरुषोत्तम पराजुली चयन गरेको हो ।
यसअघि कार्यक्रमको उद्घाटन गर्दै सहकारीका जेष्ठ सदस्य रत्नप्रसाद चापागाईले सहकारीले पैसा किन्ने र पैसा बेचेर नाफा कमाउनुको सट्टा आफनो विशेष उत्पादनलाई वजारीकरण गर्नसक्नु पर्ने सुझाव राखेका थिए ।
सस्थाका अध्यक्ष रविन्द्रमोहन अधिकारीको अध्यक्षतामा भएको कार्यक्रममा पुर्व अध्यक्ष चन्द्रबहादुर रानाभाट,सल्लाहकार नारायण प्रसाद वराल,सेयर सदस्य हेमराज आचार्य र सरस्वती ढुगानाले सहकारीले सेयर सदस्यको आय आर्जन बृद्धि हुने खालका योजना ल्याउन आग्रह गरेका थिए ।
सस्थाका सचिव रंगनाथ तिमिल्सेनाले संचालन गरेको कार्यक्रममा स्वागत मन्तव्य उपाध्यक्ष खेमप्रसाद भण्डारीले गरेका थिए । कुल एक हजार एक सय४५ सेयर सदस्य रहेको सस्थाको सेयर पुँजी पाँच करोड १८लाख२२ हजार चार सय १७ रहेको छ ।
Discussion about this post