लेखनाथ, १ कार्तीक । रुपाताल पुनस्थापना तथा मत्स्यपालन सहकारी संस्थाको २४ औं वार्षिक साधारण सभा तथा नवौ अधिवेशनले आगामी कार्यकालका लागि राम बहादुर थापाको अध्यक्षतामा नयाँ कार्यसमिति चयन गरेको छ ।
सर्वसम्वत रुपमा चयन भएको समितिको उपाध्यक्षमा ढक वहादुर थापा,सचिवमा बिरेन्द्र ढकाल,कोषाध्यक्षमा रामजी अधिकारी रहेका छन् यसैगरि समितिको सदस्यहरुमा रेशम गुरुङ,शिवराज अधिकारी,पुर्ण वहादुर गुरुङ,सर्मिला खड्का र ईश्वर थापा छन् भने समितिको लेखा संयोजकमा कमल बहादुर थापा र सदस्यहरुमा सुभद्रा घिमिरे र पुरुषोत्तम अधिकारी रहेको ब्यवस्थापक नवराज खड्काले जानकारी दिएका छन् ।
प्राकृतिक सम्पदाको संरक्षण गरौं,दिगो उत्पादनमा जोड दिऔं भन्ने मुल नारामा साथ कास्कीको तेस्रो ठुलो रुपातालमा गत वर्षको तुलनमा झण्डै २० हजार के जीले माछाको उत्पादन घटेको छ ।
विगत २४ वर्ष देखि तालको संरक्षण गर्दै आय आर्जनका लागि माछा पालन गर्दै रुपाताल पुनस्थापना तथा मत्स्यपालन सहकारी संस्थाको शुक्रवार सम्पन्न २४ औं वार्षिक साधारण सभा तथा नवौ अधिवेशनका सहभागी बक्ताहरुले तालमा माछाको उत्पादन घट्नुका वारेमा चिन्ता जाहेर गरेका छन् ।
गत वर्ष सस्थाले विभिन्न जाताका ४०हजार ८५ के जी माछा उत्पादन गरेकोमा यो वर्ष २१हजार नौ सय १० के जी मात्र माछा उत्पादन हुदा झण्डै ५० प्रतिशतले माछाको उत्पादनमा कमि आएको वताईएको छ ।
माछाको उत्पादन सगै आम्दानीमा पनि गत वर्ष एक करोड ७१ लाख ९७ हजार छ सय २४ रुपियाँको माछा विक्रि भएको थियो भने यो वर्ष एक करोड आठ लाख ४६ हजार नौ सय ६६ रुपियाँका माछा विक्रि हुदा झण्डै ६० लाख रुपियाले कमि आएको हो ।
माछाको उत्पादनका कसरी कमि आयो भन्ने सवालको मुख्य कारणमा वातावरणी प्रभाव,रुपाताल संरक्षण एकिकृत विकास परियोजनाको काम संचालन भईरहदाको होहल्ला,आगन्तुक जलेवा जातको चराको प्रकोप र गत दुई वर्ष अगाडी कम भुरा तालमा छोड्दा माछाको उत्पादनमा कमि आएको सस्थाका अध्यक्ष शिवराज अकिारीले जानकारी दिएका छन् ।
वि सि २०५८ सालमा ३६ जना अग्रजहरुको सक्रियतामा सुरु गरिएको सस्थाले रुपाताल जलाधार क्षेत्रभित्र वसोवास गर्दै आएका एक घर एक परिवार सेयर सदस्य हुन पाउने गरि समान सेयर समान मुनाफाको निती अनुरुप एक हजार ४६ सेयर सदस्य मार्फत चार करोड १८ लाख ४० हजार रुपियाको सेयर पुँजी वनाउन सफल भएको छ ।
यसैविच सस्थाको २४ औं वार्षिक साधारण सभाको अवसर पारेर सेयर सदस्य प्रत्साहनका स्वरुप उत्कृष्ट कारोवार तर्फ शुशिला अधिकारी,मिना तिमिल्सेना र सोमलाल पंगेनी,उत्कृष्ट बचतकर्तामा कृष्ण माया थापा र राजाराम पंगेनी,प्राविधिक सेवा तथा परामर्श तर्फ ठाकुर प्रसाद लामिछानेलाई सम्मान गरिएको थियो ।
रुपाताल पुनस्थापना तथा मत्स्यपालन सहकारी संस्थाका अध्यक्ष शिवराज अधिकारीको अध्यक्षतामा भएको कार्यक्रममा सस्थापक अध्यक्ष लेखनाथ ढकाल,पुर्व अध्यक्ष कुलप्रसाद अधिकारी,सल्लाहकार टिकाराम पंगेनी,धु्रवनाथ अधिकारी,लेखनाथ उद्योग बाणिज्य संघका अध्यक्ष जानुका अधिकारी पराजुली,सहकारी विज्ञ भोजराज घिमिरे र सेयर सदस्यहरुको तर्फबाट फुलमाया गुरुङ लगाएतले आफनो धारणा राखेका थिए ।
सस्थाका सचिव विरेन्द्र ढकालले संचालन गरेको कार्यक्रममा स्वागत मन्तब्य उपाध्यक्ष शुशिला थापाले गरेकी थिईन भने ब्यवस्थापक नवराज खड्काले सस्थाको आर्थीक अवस्था र आगामी दिनमा गर्न सकिने योजनाहरुका वारेमा पुर्व जानकारी गराएका थिए ।
Discussion about this post