पोखरा, २ असार ।
सृजना लिडर्स क्लवको आयोजनामा पोखरामा प्रथम गण्डकी प्रदेश (एस.ई.ई.) स्तरीय टेबल टेनिस प्रतियोगिता सम्पन्न भएको छ । प्रमुख अतिथिका रुपमा कास्की जिल्ला टेबल टेनिस संघका अध्यक्ष उत्तम जोशी रहनु भएको उक्त कार्यक्रममा प्रदेशका ५ जिल्ला स्याङजा, कास्की, तनहुँ, पर्वत र लमजुङका गरी ९३ विद्यार्थी सहभागी भएका थिए । छात्र सिंगलमा ४८, छात्र डबलमा १२ र छात्रा सिंगलमा ४ टिमले प्रतिष्प्रर्धा गरेका थिए ।
प्रतियोगितामा छात्रा सिङ्गल तर्फबाट केफ मा.वि., सिमपानीकी समृद्धि अधिकारीले प्रथम स्थान र निष्पक्ष मा.वि.की प्रतिक्षा सुवेदीले द्वितीय स्थान र हिमाञ्चल बोर्डिङकी आस्था पुन, प्रगति बोर्डिङ स्कुलकी दिप्नी गुरुङले तृतीय स्थान गर्न सफल भएका छन् । छात्र सिंगल, छात्र डबल र छात्रा सिङगलमा गरी तीन बिधामा खेल खेलाइने क्लवका अध्यक्ष मिलन खड्काले जानकारी दिए । छात्र सिङ्गल तर्फबाट समता शिक्षा निकेतनका समिर लिम्बु प्रथम, सितलदेवी मा.वि.का विवेक दर्जीले दोस्रो स्थान र हिल प्वाइन्ट मा.वि.का एड्रिन श्रेष्ठ, वेल नोनका रुपेश कुँवरले तृतीय स्थान हासिल गर्न सफल भएका छन् । त्यसैगरी छात्र डबल तर्फबाट ग्लोबल कलेजियट मा.वि.का जेनिथ गुरुङ, जेनिथ ठकुरीले प्रथम स्थान, आइबेल एकेडमीका सागर अधिकारी, सविन पौडेलले दोस्रो स्थान र हिमाञ्चल बोर्डिङ स्कुलका रिवाज ढकाल, आयुष अधिकारी र मदरल्याण्ड मा.वि.का अमिस पौडेल र सन्दिप राउतले तृतीय स्थान हासिल गर्न सफल भएका छन् । कार्यक्रम विद्यालयको टेनिस कोर्टमा सम्पन्न भएको थियो ।
प्रतियोगितामा प्रथम हुने छात्र, छात्रा टिमलाई नगद ५ हजार रुपैयाँ ट्रफी र प्रमाणपत्र र द्वितीय हुनेलाई नगद ३ हजार रुपैयाँ मेडल र प्रमाणपत्र र तृतिय हुने दुई टिमले १५÷१५ सयका दरले पुरस्कार प्रदान गरिएको थियो । साथै उक्त कार्यक्रमको मैत्रीपूर्ण खेलतर्फ सृजना मा.वि.का लक्ष्मण पोख्रेल प्रथम, प्रवेश आचार्य द्वितीय, अपिल ढकाल र शुभम तिवारीले तृतीय स्थान प्राप्त गरेका थिए ।
सृजना लिडर्स क्लव सृजना माध्यमिक विद्यालय सृजनाचोक पोखरामा अध्ययन गर्ने विद्यार्थीहरूको संस्था हो । विद्यालयका संस्थापक प्राचार्य डोलराज पाण्डेले विद्यार्थीलाई अतिरिक्त क्रियायाकलापमा सहभागी गराउन प्रयत्न गर्दै आएको जानकारी दिए । विद्यालयले क्रिकेट, टेबलटेनिस र बास्केटबलका राष्ट्रिय खेलाडी उत्पादन गरेको कुरा समेत उनले बताएका छन् । प्रतियोगिताको उद्घाटन कास्की जिल्ला टेबल टेनिस संघका अध्यक्ष उत्तम जोशीले गरेका थिए भने कार्यक्रमको समापन उक्त प्रतियोगिताको अध्यक्ष मिलन खड्काले गरेका थिए ।
त्यसैगरी हिमालयन साइन्स फाउन्डेसनको आयोजना र विज्ञान शिक्षक समाज गण्डकी प्रदेशको सह—आयोजनामा पोखराको नयाँबजार स्थित प्रदर्शनी केन्द्रमा दुई दिनसम्म सञ्चालन भएको विज्ञान प्रर्दशनी कार्यक्रममा यस सृजना आवासीय माध्यमिक विद्यालयबाट कक्षा ८ र १० मा अध्ययनरत विद्यार्थीहरुले दोस्रो स्थान हासिल गर्न सफल भएका थिए । भने केही दिन अगाडी कास्की जिल्ला टेबुल टेनिस संघद्वारा आयोजित गण्डकी प्रदेश स्तरीय टेबुल टेनिस प्रतियोगितामा यस विद्यालयबाट कक्षा १० मा अध्ययनरत छात्रा तृषा गुरुङले दोस्रो स्थान र कक्षा ७ मा अध्ययनरत छात्रा सक्रिया पोख्रेलले तेस्रो स्थान हासिल गर्न भएका थिए ।
Discussion about this post