रामशरण नेपाली
लेखनाथ, असोज १ – नेपाल उद्योग वाणिज्य महासंघका अध्यक्ष शेखर गोल्छाले देशको अर्थतन्त्र सुधार र निजी क्षेत्रको तर्फबाट मुलुकको सम्मृद्धिमा योगदान दिनका लागि ‘राष्ट्रिय आर्थिक रुपान्तरण २०३०’ को मार्गचित्र तयार पारिएकोे बताएका छन्।
लेखनाथ उद्योग वाणिज्य संघको २५ औँ वार्षीक साधारण सभा तथा १३ औं महाधिवेशनको शुक्रबार उद्घाटन गर्दै उनले मुलुककोसमृद्धिमा अहिलेभन्दा अझै बढी, व्यवस्थित र प्रभावकारी योगदान दिनका लागि ‘राष्ट्रिय आर्थिक रुपान्तरण २०३०’ले सहयोग पु¥याउनेविश्वास व्यक्त गरे।
योजना लागू भए १ खर्ब ५० अर्ब डलरभन्दा बढी लगानी अर्थतन्त्रमा भित्रिन्छ,’ महासंघ अध्यक्ष गोल्छाले भने, ‘जसमध्ये करिब १ खर्ब ८अर्ब डलर निजी क्षेत्रबाट लगानी हुनेछ ।’ महासंघले अर्थतन्त्रको सुधारका लागि स्पष्ट अवधारणा हुनुपर्ने मागसहित आर्थिक रूपान्तरण२०३० ल्याएको उनले बताए । आगामी दशकमा अहिले रहेको ३४ अर्बको डलरको अर्थतन्त्रलाई १ खर्ब डलरमा पु¥याउन र दोहोरोआर्थिक वृद्धिदर हासिल गर्न सम्भव भएको अध्यक्ष गोल्छाको भनाइ छ ।
मुलुकको अर्थतन्त्रमा करिब ७० प्रतिशत योगदान दिइरहेको निजी क्षेत्र सम्मानित हुँदै गएमा मात्र सम्मुन्नति पनि सँगसँगै आउने भएकालेनिजी क्षेत्रलाई हेर्ने दृष्टिकोणमा परिवर्तन हुनु आवश्यक रहेको बताए। उनले बजेटको आकार बढाएर मात्रै विकास सम्भव नभएको भन्दैअनुत्पादक क्षेत्रको खर्चमा बजेट कम गर्न सुझाव दिए।
उनले भने, ‘कोभिड १९ ले पारेको प्रभाव र अर्थतन्त्रलाई चलायमान बनाउनका लागि महासंघले आर्थिक रुपान्तरण २०३० मार्फत प्रारुपतयार पारेको छ। यसलाई महासंघले भिजन पेपर पनि भन्ने गरेको छ। यसको कार्यान्वयनका लागि सरकार लगायत सबै निकाय बीचकोसहकार्य र समन्वयबाट मात्र सम्भव छ ।
चाडबाडको समयमा बजार अनुगमनका नाममा व्यवसायीहरुलाई अनावश्यक दु ःखः दिने प्रवृत्ति रहेको भन्दै गलत काम गर्नेहरुलाई भनेकानूनी कारवाहीको दायरामा ल्याउन उनले आग्रह गरे ।
कार्यक्रममा नेपाल उद्योग बाणिज्य संघका उपाध्यक्ष दिनेश श्रेष्ठ र महासंघ कै उपाध्यक्ष अञ्जन श्रेष्ठले परियोजनामा आधारित कर्जाकोसम्भाव्यता अध्ययन गरेर नेपाल उद्योग वाणिज्य महासंघले राष्ट्र बैंकलाई प्रतिवेदन बुझाएको र धितोका आधारमा कर्जा लगानी गर्दावित्तीय संस्थाहरूलाई हुन सक्ने लगानी जोखिम न्यूनीकरण गर्ने सम्भावित संयन्त्रसहित केही महत्वपूर्ण सुझावहरू प्रतिवेदन मार्फतदिइएको वताए ।
कार्यक्रममा लेखनाथ उद्योग बाणिज्य संघका संस्थापक अध्यक्ष चन्द्रकृष्ण कर्माचार्यद्धारा स्थापीत चन्द्र लक्ष्मी जेष्ठ नागरिक सम्मानपत्रकारिता पुरस्कारबाट बरिष्ठ पत्रकार नारायण कार्कीलाई सम्मान गरिएको थियो ।
सम्मानित कार्कीले पत्रकारीताको लागि कुनै उमेर हद नहुने बताउदै आफुले अहिलेसम्म पाएको पुरस्कारको रकममा थप गरि अक्षयकोषमार्फत अर्को पुरस्कार स्थापना गर्ने बताएका थिए । पुरस्कारको राशी एक लाख एक हजार रहेको छ ।
यसैगरि संघका पुर्व कार्यसमिति सदस्य कृष्ण प्रसाद ढुंगानाद्धारा स्थापना गरिएको वातावरण पुरस्कारबाट पोखरा–३१ को नहरचोकस्थित नमुना टोल विकास संस्थालाई सम्मान गरिएको थियो भने संघका पुर्व अध्यक्ष स्वर्गीय नारायण कोईलालाद्धारा स्थापना गरिएकोअक्षयकोषबाट जनप्रकाशमा अध्यनरत विद्यार्थी देउमाया थापालाई छात्रवृति प्रदान गरिएको थियो ।
सोही अवसरमा पोखरा उद्योग बाणिज्य संघका अध्यक्ष नारायण कोईराला, लेखनाथ उद्योग बाणिज्य संघका सस्थापक अध्यक्ष चन्द्रकृष्ण कर्माचार्य, लेखनाथ उद्योग बाणिज्य संघका पुर्व अध्यक्ष तथा महासंघका केन्द्रिय सदस्य बावुराम गिरी लगायतले कोभिडकोमारमा परेका ब्यवसायीहरुको हक हितका सवालमा नितीगत योजना ल्याउनु पर्ने सुझाव राखेका थिए ।
Discussion about this post