“डान्सिङ विथ दि स्टार्स नेपाल”को विजेता नायिका सुमी मोक्तान र उनका कोरियोग्राफर पार्टनर विजु पार्की भएका छन् ।
१२ जना प्रतिस्पर्धीहरु स्टार्स र उनीहरुको कोरियोग्राफर पार्टनरले यो शोमा सहभागीता जनाएका थिए । जसमा दर्शकको सर्वाधिक धेरै मत प्राप्त गर्दै नायिका सुमी मोक्तान र उनका कोरियोग्राफर पार्टनर विजु पार्कीले उपाधि जिते ।
बुद्ध लामा र केविका खत्री फस्ट रनरअप बन्दा सेकेन्ड रनरअपको उपाधि भने प्रियना आचार्य र सुभम् भुजेलको टिम बन्न सफल भयो । विजेता घोषणा गर्नु अगाडि अन्तिम ३ प्रतिस्पर्धी, अन्य स्टार प्रतिस्पर्धी र विभिन्न कलाकारहरुले नृत्य प्रस्तुत गरेका थिए ।
गौरी मल्ल, दिलिप रायमाझी र रेनशा वान्तवा राई यो शोको निर्णायकको रुपमा रहेका थिए । हिमालय टेलिभिजनबाट यो शो हरेह हप्ता शुक्रबार र शनिबार प्रशारण हुँदै आएको थियो ।
Discussion about this post