हरि खरेल/दुलेगौडा । तनहुँको शुक्लागण्डकी नगरपालिका वडा नं. १२ अवस्थित मुख्यमन्त्री वातावरण मैत्री नमुना कृषि गाउँनमुना कृषि गाउँको मुख्य समस्या प्राविधिक पक्ष, बाटो, सिचाई र वजार व्यवस्थापन रहेको त्यहाका स्थानिय किसान तथा अगुवा व्यक्तिहरुले बताएका छन् । आईतबार भएको स्थलगत अवलोकन क्रममा स्थानिय कृषकहरुले उक्त समस्या गण्डकी प्रदेश संसद आशा कोईराल, कृषि ज्ञान केन्द्र प्रमुख कुलप्रसाद तिवारी लगायत वडाध्यक्ष सामु व्यक्ति गरेका थिए ।
मुख्यमन्त्री वातावरण मैत्री नमुना कृषि गाउँमा बाटोको असुबिधाका कारण दाना चोक्करमा धेरै नै समस्या पर्न गएको स्थानिय कृषक चन्द्र बहादुर मल्लले जानकारी दिनुभयो । गाउँका अधिकांश मानिसहरु कृषि क्षेत्रमा आबद्ध रहेता पनि खेतिपातिका लागि सिंचाईको अझ पनि असुबिधा भएको हुदाँ उक्त समस्या समाधान तर्फ लाग्नुपर्ने स्थानिय नेत्र बहादुर रानाले जानकारी दिनुभयो ।
गाउँमा सरकारकै अनुदानमा रकमले कृषि क्षेत्रबाट प्रशस्त आम्दानि गर्ने गरेको कृषक गुम बहादुर गुरुङले बताउनुभयो । “उन्नत जातको बाख्रा पाल्ने र टनेल बनाउने भनेको आर्थिक नै अलि समस्या छ अहिले, माननियबाट सहयोग भए अझ राम्रो हुने थियो ।” कृषक गुरुङले बताउनुभयो ।
नमुना कृषि गाउँका कृषकहरुलाई आत्मर्निभर बनाउने र बिस्तारै व्यवसायिकरण गदै लैजाने कार्यक्रमका संयोजक ओष बहादुर तामाङले जानकारी दिनुभयो । दुई टोलमा जम्मा १ सय ४६ घर मध्य १ सय ६ घर प्रत्यक्ष सहभागि भएको बताउनुभयो । तिमध्य८÷९ जना व्यवसायिक रुपमा लागेको र बाकि क्रमिक रुपमा व्यवसायिक तर्फ उन्मुख हुदै गरेको बताउनुभयो । हाल नमुना गाउँमा प्राविधिक पक्ष, सिचाई र वजार व्यवस्थापनको समस्या रहेको तामाङले जानकारी दिनुभयो ।
नमुना गाउँको रुपमा स्थापित भएसंगै किसानहरुले प्राय निवाहमुखि कृषि प्रणाली रहेको गण्डकी प्रदेश संसद आशा कोईरालले जानकारी दिनुभयो । अब विस्तारै निवाहमुखि खेति प्रणलिबाट माथि उठेर व्यवसायिक रुपमा खेति गर्नु पर्नेमा जोड दिनुभयो । भाढडाँडाँ र लिलाचोक आसपासका क्षेत्रमा गरिएको अवलोकनमा कृषि क्षेत्रमा क्रमिक रुपमा सुधार आएता पनि उपल्बधी भने उत्साहजनक नभएको संसद कोईरालाले जानकारी दिनुभयो । स्थानिय कृषकहरुको समस्यालाई मध्यनजर गदै सम्बन्धीत ठाउँसम्म पहल गर्ने उहाले जानकारी दिनुभयो ।
नमुना कृषि गाउँमा किसानहरु भकारो सुधार कार्यक्रम राम्रो रहेकाले गाईबस्तुको मल र मुत्रलाई सहि सदुपयोग गर्न तरकारीको क्षेत्र बढाउनुपर्ने कृषि ज्ञान केन्द्र तनहुँका प्रमुख कुलप्रसाद तिवारीले जानकारी दिनुभयो । ज्ञान केन्द्रले कृषि विकास कार्यक्रम अन्र्तगत रहेर सुचना प्रकास गर्ने गरेको बताउनुभयो । प्रप्त सुचनाहरु वडाध्यक्षहरु मार्फत किसानहरुलाई जानकारी गराईदिदा किसानहरुलाई धेरै नै फाईदा हुने जानकारी दिनुभयो ।
अनुभवको कमि र मन्त्रालययको पनि नया कार्यक्रम रहेको नमुना गाउँलाई निरन्तरता दिन धेरै नै कठिनाई भएको वडा नं. १२ का वडाध्यक्ष मनराज गुरुङले बताउनुभयो । “ नमुना गाउँ पछि हामीले गुणात्मक उपलब्धी कति गर्न सक्यौ सकेनै त्यो हामी सबैले समिक्ष गर्ने कुरा भयो ।” उहाँले भन्नुभयो “ तर यसले केही सकारात्म सन्देश चाहि दिएको छ । हिजो ढुङगा, काठ, दाउरा राखेर गाई वस्तु सुत्ने ठाउँमा आज एकदम व्यवस्थित ढलान भएको, छरपष्ट घास पोखिएर जाने ठाउँमा डुड भएको र गाई बस्तुको मलमुत्र पनि संकलन गरेर सहि सदुपयोग भएको छ ।”
साथै कार्यक्रममा वडा नं ९ का वडाध्यक्ष लोकनारायण श्रेष्ठ, कार्यपालिका सदस्य गिता महत पशु प्रविधिक लगाए व्यक्तिहरुले कार्यक्रमको स्थलगत अवलोकन गरेका थिए ।
Discussion about this post