दमौली । फरक फरक तरिकाबाट जन्मोत्सव मनाउनेहरु बढ्न थालेका छन् । केही समय अघिसम्म पारिवारि वा साथिभाईको जमघट गरेर मनाइने जन्मदिन पछिल्लो समय सामाजिक काम गरेर मनाउने प्रचलनको सुरुवात भएको छ । दीन दुखी, विरामी, सामाजिक सस्थामा पुगेर जन्मदिन मनाउनेहरु बढी रहदाँ दमौलीकी जमुना जोशीले गौमाता संरक्षण केन्द्रमा सहयोग गरेर जन्मदिन मनाएकी छन् ।
एलायन्स क्लब अफ तनहुँकी अध्यक्ष समेत रहेकी जोशीले शनिबार तनहुँको व्यास नगरपालिका–१० दुम्सी, शिसुवामा रहेको गौमाता संरक्षण केन्द्रका गएर जन्मदिन मनाएकी हुन् । उनले जन्मदिनमा हुने फजुल खर्च कटाएर गाईलाई शनिबार दाना खुवाउँदै जन्मदिन मनाउनुभयो । जमुना जस्तै केन्द्रमा पुगेर गाईलाई दाना खुवाएर मनाउनेहरु बढेपछि गाईको पालनपोषणमा मद्धत पुगेको छ । पहिला महिनामा एक जना आउने गरेकोमा हाल दुई देखि तीन जना आउन थालेको केन्द्रका अध्यक्ष प्रजापति सापकोटाले बताउनुभयो ।
सामाजिक काम प्रति इच्छा भएको र गाई भगवानको रुप भएकोले जन्मदिन मनाउन संरक्षण केन्द्रमा आएको जानाकारी जमुनाले दिनुभयो । क्लबका टोली सहित ४ बोरा दाना र एक बोरा नुन बोकेर पुग्नु भएकी जोशी गाईसँग जन्मदिन मनाउन पाउँदा आनन्दित हुनु भएको थियो । ‘ बेलैमा ध्यान नदिने हो भने रैथाने गाई लोप भएर जाने अवस्था छ समाजमा सकरात्मक सन्देश पनि जाने भएकोले गाईको साथमा जन्मदिन मनाउन पाउँदा निकै खुसी लागेको छ’ जमुनाले भन्नुभयो ।
फजुल खर्च गर्नु भन्दा गाईलाई दाना खुवाउन उचित लागेर आफ्नो छोराको जन्मदिन केन्द्रमा गएर मनाएको लोक तथा दोहोरी गायक रमाकान्त ढुङ्गानाले बताउनुभयो । केही दिन पहिला गाईसँग छोराको जन्मदिन मनाउनु भएका गायक ढुङ्गाना केन्द्रमा पुग्नु भएको थियो । छोरा खुसी भएकाले आगामी वर्ष पनि त्यसरी मनाउने सोचाई रहेको जानकारी दिनुभयो । ‘धर्म, सस्कृति प्रति रुचि बढ्नुका साथै समाजिक भावाना विकास गर्न मद्धत पु¥याउन गौमातालाई दाना, घाँस खुवाएर मनाएको हुँ ’ गायक ढुङ्गानाले भन्नुभयो ।
धेरै गाई भएकोले पाल्नको लागि कठिन भईरहेको र जन्मदिन मनाउन आउनेहरुले दाना खुवाउने गरेकोले केही राहत मिलेको गौमाता केन्द्रका अध्यक्ष प सापकोटाले जानकारी दिनुभयो । यो वर्ष जन्मदिन मनाउनेहरुबाट ४५ बोरा दाना र पाँच बोरा नुन प्राप्त भएको उहाँले बताउनुभयो । सापकोटका अनुसार हाल सुख्यायाम भएकोले घाँसको अभावले पाल्न कठिन भएको छ ।
खर्च अभावले जति गाईको सम्भार गर्नु पर्ने हो त्यही गर्न सकिएको छैन ’ सापकोटाले भन्नुभयो । गत वर्ष व्यास नगरपालिकाले पराल खरीद गर्नको लागि दुई लाख रुपियाँ दिएको र यस वर्ष एक लाख रुपियाँ प्राप्त भईसकेको जानकारी उहाँले दिनुभयो । ‘राम्रोसँग खुवाउने हो भने दैनिक २० भारी पराल चाहिन्छ दाना र घाँस समेत गरेर वार्षिक रुपमा २० लाख खर्च हुन्छ ’अध्यक्ष सापकोटाले भन्नुभयो । दुई वर्ष अघि उक्त स्थानमा केन्द्र सञ्चालनमा ल्याईएको हो ।
भेटेनरी अस्पताल तथा पशुसेवा विज्ञ केन्द्रको ५ लाख रुपियाँको आर्थिक सहयोगमा गाईको आवासको लागि टहरो निर्माण गरिएको छ । व्यास नगरपालिकाले केन्द्रको लागि १२ लाख रुपियाँ सहयोग गरेको तारबार गरिएको वडा अध्यक्ष तुलसीराम सापकोटाले जानकारी दिनुभयो । केन्द्रमा हाल ४५ वटा गाई रहेका छन् । तस्विरहरु सामेल छ ।
Discussion about this post