बुढा म्युजिकको अर्को नयाँ देउडा प्रस्तुती “पियारी”

निरन्तर रुपमा नयाँ नयाँ संगीतिक कोशेलीहरु पस्किदै आएको बुढा म्युजिक प्रालीले फेरी अर्को एउटा मिठो देउडा भाका बजारमा ल्याएको छ । बिशेष गरी सुदुर पश्चिममा अत्यन्तै प्रचलित रहेको देउडा भाका यो भेगको गाउँ,शहर, कुना-कन्दरामा समेत गुन्जिरहेको हुन्छ ।

देउडा भाका लोप हुँदै गईरहेको अवस्थामा गायक शेर साउदले “पियारी” नाम दिएर यो देउडा भाका बुढा म्युजिक मार्फत बजारमा ल्याएका छन्।

गीतमा शेर साउद कै शब्द संगीत र स्वर रहेको छ महिलाको स्वरमा  गायिका कल्पना बिसिले साथ दिएकी छिन् र सुरेश शाहीले यस गीतलाई एरेन्ज गरेका छन् ।

सुनिल सुन्दासले छायांकन गरेको गरेको यस गितको भिडियोलाई एजेश दासले सम्पादन गरेका हुन् भने मुना गिरिले यस भिडियोलाई निर्देशन गरेकी हुन् । भिडियोमा कटक बुढा र मालती न्यौपानेको अभिनय देख्न सकिन्छ । एस एस स्टुडियोले पोष्ट प्रोडक्सन गरेको यो म्युजिक भिडियो बुढा म्युजिक युट्युब च्यानलमा हेर्न सकिन्छ ।