रामशरण नेपाली
लेखनाथ २३ भदौ ।
लेखनाथ उद्योग वाणिज्य संघको २७ औं वार्षिक साधारण सभा तथा १४औं अधिवेशन अन्र्तगत शनिबार सम्पन्न मतदानको मतगणना जारी छ । कुल खसेको मत १ हजार ७ सय ११ मध्ये १ हजार २ सय २० मत गनिसक्दा अध्यक्ष पदका उम्मेद्वार विनोद श्रेष्ठ ले ६ सय १० मत प्राप्त गर्दै ३६ मतको अन्तरले अग्रता कायम राखेका छन भने उनका प्रतिष्पर्धी भरतकुमार अधिकारीले ५ सय ७४ मतका साथ उनलाई पछ्याईरहेका छन । मतगणनाको प्रारम्भमा लगाधार अधिकारीले अग्रता कायम गरेका थिए भने ९ सय १८ मत गनिसक्दा श्रेष्ठले मतान्तर वढाउँदै अधिकारीलाई पछि पारेका हुन ।
यस्तै वरिष्ठ उपाध्यक्ष पदमा राजेन्द्र ओझाले फराकिलो मतान्तरले अग्रता कायम गरेका छन । उनले ६ सय ८९ मत ल्याउँदा उनका प्रतिष्पर्धी ऋषिराम जमरकट्टेलले ४ सय ८८ मतका साथ ओझालाई पछ्याईरहेका छन । उनीहरु विचको मतान्तर २ सय १ पुगेको छ । प्रथम उपाध्यक्षमा ६ सय ३३ मतका साथ उपेन्द्रराज सुवेदी(राजु) ले ८२ मतले गोपिचन्द्र बाँस्तोलाई पछि पार्दै अग्रता कायम गर्न सफल भएका छन । बाँस्तोलाले ५ सय ५१ मतका साथ सुवेदीलाई पछ्याईरहेका छन ।
संघको द्धित्तीय उपाध्यक्ष पदमा विक्रम कर्माचार्यले ६ सय १० मतका साथ अग्रता कायम गर्न सफल भएका छन भने उनका प्रतिष्पर्धी मेनुका श्रेष्ठले ५ सय ७४ मतका साथ कर्माचार्यलाई पछ्याईरहेकी छिन । महासचिवमा जानुका अधिकारी पराजुलीले फराकिलो मतको अन्तरले प्रतिद्धन्दी जिवन तिवारीलाई पछि पारेकी छिन । पराजुलीले ६ सय ८९ मत ल्याउँदा तिवारीले ४ सय ८८ मतका साथ पछ्याईरहेका छन ।
यस्तै उप–महासचिव पदमा भरतराज ओझाले ६ सय ५२ मत ल्याउँदै भिम बहादुर सार्की (काईंला) लाई १ सय २३ मतको फराकीलो अन्तरले पछि पारेका छन । काईलाले ५ सय २९ मतका साथ पछ्याईरहेका छन । कोषाध्यक्षमा ध्रुव बाबु भट्टराई (आई.डि.) ले ६ सय ९ मत ल्याउँदा उनका प्रतिद्धन्दी पुष्पमणी भण्डारीले ५ सय ६३ मत ल्याएका छन ।
संघको २ महिला सदस्यको लागि भएका मतदानमा प्रतिक्षा रानाभाट र प्रभा कुमारी पौडेलले क्रमशः ५ सय २६ र ५ सय १४ मतका साथ अग्रता वढाएका छन भने सुमित्रा बञ्जरा र जमुना गिरीले क्रमशः ४ सय ६८ र ३ सय ३६ मतका साथ पछ्याईरहेका छन ।
संघको ८ खुल्ला सदस्य पदका लागी १६ जनाको उम्मेद्वारी परेको थियो । जसमध्ये पछिल्लो मतपरिणाम अनुसार अर्जुन भण्डारी ६ सय ४२, गंगा कुमारी मल्ल ५ सय ५३, भविन्द्र पुन (भविन) ४ सय ४१, भरत थापा ४ सय ७५, भुवानीप्रसाद पौडेल ३५४, ई.बिजय न्यौपाने ४९८, बिन्दुचन्द्र बराल ३ सय ९४, बिरेन्द्र बानिया ३ सय ३१, बिरेन्द्र राज भुर्तेल ३ सय ३९, हरि बस्ताकोटी ४ सय ७६, खेमराज बराल ४ सय ८१, कृष्ण प्रसाद सुवेदी ४ सय ३४, लक्ष्मी प्रसाद ढुङ्गाना (एल पि) ४ सय ५४, राजन कल्याण वड्गामी ३ सय ७४, सुर्य प्रकाश ढुङ्गाना (एस पि) ३ सय ९९ र टिकाराम सापकोटा ४ सय ६८ मतका साथ विजयी हुने दौडमा रहेका छन ।
Discussion about this post