लेखनाथ । लेखनाथ उद्योग वाणिज्य संघको १४ औं अधिवेशनअन्तर्गत शनिबार सम्पन्न मतदानमा १ हजार ७ सय ११ मत खसेको छ । कुल १ हजार ८ सय ६६ मतदातामध्ये ९१.६९ प्रतिशत मत खसेको हो ।
संघका पूर्व अध्यक्ष कृष्णहरि भण्डारीले पहिलो मत खसालेका थिए भने गण्डकी प्रदेशका सांसद बिन्दुकुमार थापा, रुपा गाउँपालिकाका अध्यक्ष नवराज ओझा, पोखरा २६ का अध्यक्ष नरेन्द्र थापा, २७ का अध्यक्ष पूर्णकुमार गुरुङ र २९ का अध्यक्ष श्रीप्रसाद गुरुङले पनि मतदान गरेका थिए । संघका २० पदमध्ये १९ पदका लागि ३६ जना उम्मेदवार चुनावी मैदानमा छन् ।
बिहान ७ बजेदेखि साँझ ५ बजेसम्म चलेको मतदान शान्तिपूर्ण भएको छ । मतगणना आइतबार बिहान ७ बजेदेखि गर्ने निर्वाचन आयुक्त खगेन्द्रराज आचार्यले जानकारी दिए ।
संघको अध्यक्ष पदका लागि भरतकुमार अधिकारी र विनोद श्रेष्ठले उम्मेदवारी दिएका थिए । वरिष्ठ उपाध्यक्षमा राजेन्द्र ओझा र ऋषिराम जमरकट्टेलले उम्मेदवारी दिएका थिए । प्रथम उपाध्यक्षमा गोपिचन्द्र बास्तोला र उपेन्द्रराज सुवेदी, द्वित्तीय उपाध्यक्षमा विक्रम कर्माचार्य र मेनुका श्रेष्ठ, महासचिवमा जानुका पराजुली अधिकारी र जीवन तिवारी, उपमहासचिवमा भरतराज ओझा र भीमबहादुर सार्की (काइँला), कोषाध्यक्षमा ध्रुवबाबु भट्टराई (आई.डी.) र पुष्पमणि भट्टराईले उम्मेदवारी दिएका थिए ।
महिला सदस्यका लागि जमुना गिरी, प्रतीक्षा रानाभाट, प्रभाकुमारी पौडेल लामिछाने र सुमित्रा बञ्जाराले उम्मेदवारी दर्ता गराएका थिए । एसोसिएटतर्फको सदस्य पदमा भने प्रेमप्रसाद शर्मा निर्विरोध भइसकेका छन् । संस्थागत सदस्य पदका लागि विजय गुरुङ र कुलबहादुर रानाभाटको उम्मेदवारी परेको थियो ।
कार्यसमिति सदस्यमा अर्जुन भण्डारी, भविन्द्र पुन (भविन), भरत थापा, भुवानीप्रसाद पौडेल, विजय न्यौपाने (ई), बिन्दुचन्द्र बराल, वीरेन्द्र बानिया, वीरेन्द्रराज भुर्तेल, गंगाकुमारी मल्ल, हरि बस्ताकोटी, खेमराज बराल, कृष्णप्रसाद सुवेदी, लक्ष्मीप्रसाद ढुंगाना (एलपी), राजन कल्याण बड्गामी, सूर्य प्रकाश ढुंगाना (एसपी) र टीकाराम सापकोटाले उम्मेदवारी दिएका थिए ।
Discussion about this post