लेखनाथ, २३ भदौ । बृहद आध्यात्मीक परिषदको आयोजना तथा श्री गोरक्षनाथ पिठको स्थानिय ब्यवस्थापनमा पोखरा–३१ पचभैयामा यहि भदौ २५ गते देखि २७ गतेसम्म प्रथम राष्ट्रिय नाथ सम्मेलन हुने भएको छ ।
मानव जगतको कल्याणका लागि धार्मीक भावना जगाउने उदेश्यका साथ नेपालभरिका विभिन्न मठ, मन्दिर तथा आश्रममा रहेका पिठाधिस तथा धार्मीक गुरुहरुलाई एकै ठाँउमा जम्मा गरि पहिलो पटक तिन दिने राष्ट्रिय नाथ सम्मेलन गर्न लागिएको हो ।
यहि भदौ २५ गतेबाट सुरु हुने सम्मेलन बेगनासतालको मन्दरेपार्कबाट जलकलश सहितको शोभा यात्रा निकाली र सम्मेलन स्थल शिव गोरक्षनाथ पिठ शिद्धाश्रमसम्म जाने एवंम त्यसपछि उद्घाटन सत्र सहित धार्मीक प्रवचन हुने प्रचार प्रसार उप–समितिका संयोजक राममणि अधिकारीले जानकारी दिएका छन् ।
यसैगरि राष्ट्रिय सम्मेलनमा डा. जगमान गुरुङ, डा.कृष्ण चन्द्र शर्मा, डा.माधव लामिछाने र लोचना पुण्य प्रसाद पराजुलीले कार्यपत्र प्रस्तुत गर्ने कार्यक्रम रहेको छ भने सम्मेलनको अन्तिम दिन २७ गते सस्थाको विधान तथा विविध विषयमा छलफल गरि पोखरा घोषणा पत्र जारी गर्ने कार्यक्रम रहेको छ ।
Discussion about this post