रामशरण नेपाली
लेखनाथ २३ भदौ ।
लेखनाथ उद्योग वाणिज्य संघको २७ औं वार्षिक साधारण सभा तथा १४औं अधिवेशन अन्र्तगत नयाँ नेर्तत्व चयनका लागी भएको निर्वाचनमा बिनोद श्रेष्ठ विजयी भएका छन । उनले आफ्ना निकटतम प्रतिद्धन्दी भरतकुमार अधिकारीलाई ९४ मतले पछि पारेका हुन । विजयी श्रेष्ठले कुल १ हजार ७ सय ११ मतमध्ये ८ सय ८१ मत प्राप्त गरेका थिए भने अधिकारीले ७ सय ८७ मत प्राप्त गरेका थिए ।
यस्तै वरिष्ठ उपाध्यक्ष पदमा राजेन्द्र ओझाले २ सय ८० को फराकिलो मतान्तरले उनका प्रतिष्पर्धी ऋषिराम जमरकट्टेललाई पराजित गरेका छन । ओझाले ९ सय ७० मत प्राप्त गर्दा उनका प्रतिष्पर्धी जमरकट्टेलले ६ सय ९० मत प्राप्त गरेका थिए । प्रथम उपाध्यक्षमा ८ सय ९६ मतका साथ उपेन्द्रराज सुवेदी(राजु) ले १ सय २२ मतले गोपिचन्द्र बाँस्तोलालाई पछि पार्दै विजयी भएका छन । बाँस्तोलाले ७ सय ७४ मत प्राप्त गरेका थिए ।
संघको द्धित्तीय उपाध्यक्ष पदमा विक्रम कर्माचार्यले ६ मतको झिनो अन्तरले प्रतिष्पर्धी मेनुका श्रेष्ठलाई पराजित गरेका छन । कर्माचार्यले ८ सय ३७ मत प्राप्त गरेका थिए भने श्रेष्ठले ८ सय ३१ मत प्राप्त गरेकी थिईन । महासचिव पदमा संघको ईतिहासमै पहिलो पटक महिला पदाधिकारी बनेर ईतिहास रचेकी जानुका अधिकारी पराजुलीले यस पटक पनि पुनः बाजी मारेकी छिन । १ सय ७७ मतको फराकिलो मतको अन्तरले प्रतिद्धन्दी जिवन तिवारीलाई उनले पछि पारेकी छिन । पराजुलीले ९ सय २९ मत ल्याउँदा तिवारीले ७ सय मत प्राप्त गरेका थिए ।
यस्तै उप–महासचिव पदमा भरतराज ओझाले ९ सय १२ मत ल्याउँदै भिम बहादुर सार्की (काईंला) लाई १ सय ६० मतको फराकीलो अन्तरले पछि पारेका छन । काईलाले ७ सय ५२ मत ल्याउँदा ओझाले ९ सय १२ मत ल्याएका थिए । कोषाध्यक्षमा ध्रुव बाबु भट्टराई (आई.डि.) ले ८ सय ३७ मत ल्याउँदै उनका प्रतिद्धन्दी पुष्पमणी भण्डारीलाई जम्मा २० मतको अन्तरले पराजित गरेका छन । भण्डारीले ८ सय १७ मत प्राप्त गरेका थिए ।
संघको २ महिला सदस्यको लागि भएको मतदानमा प्रतिक्षा रानाभाट र प्रभा कुमारी पौडेलले अग्रता कायम गरेका छन, उद्यपी मतगणनाको अन्तिम परिणाम भने आउन बाँकि नै छ । यस्तै संस्थागत सदस्य तर्फ विजय गुरुङ्ग विजयी भएका छन । संस्थागत तर्फ रहेका ५ मत मध्ये गुरुङ्गले ३ मत प्राप्त गरेका छन । उनी यस अघिको कार्यसमिति सदस्य समेत हुन । त्यस्तै एसोसिएट सदस्यमा प्रेम प्रसाद शर्मा यस अघि नै निर्विरोघ भएका थिए । संघको ८ खुल्ला सदस्य पदका लागी १६ जनाको उम्मेद्वारी परेको थियो । जसमध्ये पछिल्लो मतपरिणाम अनुसार अर्जुन भण्डारी, गंगा कुमारी मल्ल, भविन्द्र पुन, ई.बिजय न्यौपाने लगायतको अग्रता कायमै छ ।
Discussion about this post