लेखनाथ, १२ फागुन । रोटर्याक्ट क्लब अफ लेखनाथद्वारा भित्तेपात्रो विमोचन तथा नयाँ वर्षको शुभकामना आदान–प्रदान कार्यक्रम भव्य र सभ्य रूपमा सफलतापूर्वक सम्पन्न भएको छ। कार्यक्रमका प्रमुख अतिथि लेखनाथ उद्योग वाणिज्य संघकी अध्यक्ष जानुका पराजुली अधिकारी रहनुभएको थियो।
कार्यक्रममा विशेष अतिथिको रूपमा रोटरी क्लब अफ लेखनाथका पूर्व अध्यक्ष इबेन्द्रराज तिवारीको उपस्थिति रहेको थियो। त्यसैगरी अतिथिहरूमा लेखनाथ उद्योग वाणिज्य संघका कोषाध्यक्ष हरि बास्तकोटी, संघका बोर्ड सदस्य तथा रोटर्याक्ट क्लब अफ लेखनाथका पूर्व अध्यक्ष सुजन न्यौपाने, रोटर्याक्ट क्लब अफ लेखनाथका पूर्व अध्यक्षहरू रोशन अधिकारी, शिवराज अधिकारी, उत्तम श्रेष्ठ तथा गण्डकी विश्वविद्यालय रोटर्याक्ट क्लबका चार्टर्ड अध्यक्ष प्रभव तिवारीलगायत बोर्ड सदस्य तथा साधारण सदस्यहरूको सहभागिता रहेको थियो।
कार्यक्रमको स्वागत मन्तव्य रोटर्याक्ट क्लब अफ लेखनाथका पूर्व अध्यक्ष तथा लेखनाथ उद्योग वाणिज्य संघका बोर्ड सदस्य सुजन न्यौपानेले राख्नुभएको थियो। शुभकामना मन्तव्य राख्ने क्रममा रोटर्याक्ट क्लब अफ गण्डकी विश्वविद्यालयका प्रभव तिवारी, रोटर्याक्ट क्लब अफ लेखनाथका पूर्व अध्यक्ष ९क्ष्एए० सर्विन्द्र न्यौपाने, रोटरी क्लब अफ लेखनाथका पूर्व अध्यक्ष इबेन्द्र तिवारी तथा लेखनाथ उद्योग वाणिज्य संघका कोषाध्यक्ष हरि बास्तकोटीले आ–आफ्नो धारणा व्यक्त गर्नुभएको थियो।
कार्यक्रमका प्रमुख अतिथि जनुका पराजुली अधिकारीले आफ्नो मन्तव्य राख्दै यस्ता कार्यक्रमहरूले युवा पुस्तालाई सिर्जनशील तथा जिम्मेवार बनाउन मद्दत पुग्ने बताउनुभयो।
कार्यक्रमको धन्यवाद ज्ञापन रोटर्याक्ट क्लब अफ लेखनाथका पूर्व अध्यक्ष रोशन अधिकारीले गर्नुभएको थियो भने कार्यक्रमको अध्यक्षता क्लबका अध्यक्ष कमल गौतमले गर्नुभएको थियो। कार्यक्रम सञ्चालन क्लबका सचिव सुशान्तमणि दाहालले गर्नुभएको थियो।
Discussion about this post