लेखनाथ, १३ वैशाख । साविक लेखनाथ र वरीपरिका गाउँपालिकामा रहेको नेवार समुदायको कला, भाषा, संस्कृतिको संवर्धन र प्रवर्धन गरी एक सुत्रमा बाध्ने अभिप्रायले गठित यस लेखनाथ नेवाः खलःको आठौ साधारण सभा एवं चौथो अधिवेशनले पोखरा महानगर पालिका वडा नं २६ अर्घौ निवासी एवं अर्घौ नेवाः खलका प्रकाशलाल श्रेष्ठको अध्यक्षतामा सर्वसम्मत रुपमा पदाधिकारी एवं कार्यसमिती चयन गरेको छ ।
संस्थाको उपाध्यक्षमा द्धय वाल गोपाल श्रेष्ठ र लिल वहादुर श्रेष्ठ, सचिवमा महेन्द्र कुमार श्रेष्ठ (भिमसेन नेवा) , सहसचिवमा राजु ताम्राकार (शिशुवा नेवा) ,कोषाध्यक्षमा मिना श्रेष्ठ, सदस्यहरुमा प्रेमलाल श्रेष्ठ (रुपा देउराली) राज कुमार श्रेष्ठ (गगन नेवा) पृथ्वी नारायण श्रेष्ठ (समाज कल्याण) शरण कुमार प्रधान (गगन नेवा), रुप नारायण श्रेष्ठ (गणेश नेवा) सर्वसम्मत रुपमा चयन भएका छन ।
सो अवसरमा नेवा कला संस्कृति जगेर्नामा उल्लेखनिय योगदानको स्वरुप गगन नेवा खलका लक्ष्मी प्रधानलाई दोसल्ला ओढाई सम्मान गरिएको थियो ।
पोखरा महानगर पालिका वडा नं ३० स्थित गणेश नेवाः खलको भवनमा लेखनाथ नेवाः खलको अध्यक्ष भैरवलाल श्रेष्ठको अध्यक्षतामा सम्पन्न सो कार्यक्रममा उद्योगी, समाजसेवी एवं लेखनाथ उद्योग वाणिज्य संघका संस्थापक अध्यक्ष चन्द्रकृष्ण कर्माचार्यको आथित्यतामा सम्पन्न सो कार्यक्रममा लेखनाथ उद्योग वाणिज्य संघका प्रथम उपाध्यक्ष विक्रम कर्माचार्य, गणेश नेवा खलका अध्यक्ष प्रेम लिगल ,लेखनाथ मिसाः पुचका अध्यक्ष मिना श्रेष्ठ, मान वहादुर श्रेष्ठ, लिल वहादुर श्रेष्ठ, अर्जुन ताम्राकार, शरण प्रधान, सरु श्रेष्ठ , पवित्रा श्रेष्ठले आ आफ्नो शुभकामना मन्तब्य राखेका थिए ।
कार्यक्रममा प्रथम उपाध्यक्ष गणेश कुमार श्रेष्ठले स्वागत मन्तब्य र धन्यवाद ज्ञापन प्रकाशलाल श्रेष्ठ र कार्यक्रम संस्थाका सचिव बाल गोपाल श्रेष्ठले सञ्चालन गरेका थिए । साथै निर्वाचन मण्डलमा प्रेम लिगल, शरण प्रधान र मान वहादुर श्रेष्ठ रहेका थिए ।
Discussion about this post