पोखरा । युवाका लागि खेलकुद,स्वास्थ्यका लागि खेलकुद नेपालको राष्ट्रिय खेल भलिबल भन्ने मूल नाराका साथ नवौं राईजिङ्ग स्टार खुल्ला वडास्तरीय भलिवल बुधवारदेखिहुने भएको छ ।
युवाहरुलाई सरसफाई र खेलकुदको क्षेत्रबाट अगाडि बढाउदै आएको पोखरा-२७ को राईजिङ्ग स्टार युथ क्लबले पोखरालाई खेलकुदमार्फत आन्तरिक पर्यटनको प्रवद्र्धन गर्न र भलिवल खेलको विकास गर्ने हेतुले माघ २१ गते देखि २४ गतेसम्म नवौं वडा स्तरीय भलिबल प्रतियोगिता गर्ने भएको हो ।
भलिवल प्रतियोगिताका बारेमा जानकारी दिने उदेश्यले आइतवार राखिएको पत्रकार सम्मेलनमा क्लवका अध्यक्ष अनिल गुरुङ, प्रतियोगिता संयोजक इश्वर खत्री, अनिष वि क लगायतले क्लवको बार्षिक कार्यक्रम अन्तरगत यस वर्ष पनि खेलकुदलाई प्रथामिकता दिदै युवाहरुलाई खेलकुदको माध्यमबाट अनुशासनका बारेमा जानकारी दिने उद्देश्यले खेलको आयोजना गर्न लागेको बताए । कार्यक्रमा अध्यक्ष गरुङले प्रतियोगितामा करीव १५ टिमको सहभागिता रहने वताए ।
कार्यक्रममा वोल्दै पोखरा महानगरापालिका वडा नम्वर २७ का वडा अध्यक्ष पुर्ण कुमार गुरुङले खेलकुदको विकासका लागि वडाबाट तीन लाख रकम विनोयोजन भएको बताउदै खेलकुदको क्षेत्रमा लाग्ने खेलाडीले अनुशासनका कुरा सिक्ने भएकाले खेललाई सौहाद्रपूर्ण रुपले सञ्चालन गर्नका लागि वडाले सवै प्रकारका सहयोग गर्न तयार रहेको बताएका थिए ।स्थापना काल देखि शिक्षा, स्वास्थ्य तथा वातावरण यूवा तथा खेलकुद महिला तथा बालबालिका क्षेत्रमा कार्य गर्दै आएको क्लवले यूवा लक्षित लागु औषध सचेतना कार्यक्रमको साथै खेलकुदको क्षेत्रमा फुटबल, ब्याटमिन्टन, खेलहरु पनि हरेक वर्ष गर्दै आएको छ ।
पोखरा महानगरपालिका वडा नम्वर २७ को भण्डारी टोल स्थित भलिवलकोर्टमा सञ्चालन हुने खेलका बिजयी समूहले एक लाख ११ हजार एक सय ११, उप विजेता समुहले ५५हजार पाँच सय ५५ र तृतीय हुने दुई समूहलाई १०/१० हजार प्रदान गरिने छ भने अन्य उत्कृष्ट खेलाडीलाई विधा अनुसारको पुरस्कार प्रदान गरिने भएको छ ।
चार दिनसम्म चल्ने प्रतियोगितामा करीव आठ लाख खर्च लाग्ने र प्रायोजक ,सह प्रयोजक र सहयोगी संघ सस्थाबाट करीव १० लाख आम्दानी गर्ने लक्ष्य राखिएको छ भने खेलबाट बचत भएको रकमलाई खेलकुदकै क्षेत्रमा खर्च गरिने क्लवको उदेस्य रहेको वताइएको छ । क्लवका अध्यक्ष अनिल गुरुङको अध्यक्षतामा भएको कार्यक्रममा पुर्व अध्यक्ष विष्णुप्रसाद गुरुङले सञ्चालन गरेका थिए ।
Discussion about this post