लेखनाथ, २७ मंसिर । सुशासन,विकास र समृद्धिको लागि नागरिक सञ्जाल भन्ने मुल नाराका साथ स्थापना भएको जागरुक नागरिक समाजले निःशुल्क कपडा बैक संचालन गर्ने भएको छ ।
समााज सुधारका क्षेत्रमा राज्यलाई सकरात्मक सुझाव खवरदारी गर्दै आएको सस्थाले पोखरा महानगरपालिका वडा नम्वर २६ को वुढिवजारका हुनेले दिने र नहुनेले लाने नारा दिएर निःशुल्क कपडा वैक संचालन गर्न लागेको हो ।
सस्थाका अग्रसरतामा जाडोको समयमा गरिव तथा विपन्न वर्गले न्यानो कपडा अभावमा जाडोमा कठाङरिनु पर्ने अवस्थामा रहेका वर्गको उत्थानका लागि एक पटक प्रयोग भएका तथा साईजका कारण घरमा थन्किएका कपडा संकलन गरि अवस्यक पर्नेले निःशुल्क रुपमा कपडा लैजान पाउने गरि ब्यवस्था मिलाएको कपडा बैकका संयोजक डिल्लीराम भण्डारी(राजु) ले जानकारी दिएका छन् ।
जाडो मौशमलाई न्यानो कपडा हाम्रो अभियान भन्ने नाराका साथ सस्थाले घरमा प्रयोेग नभएका कपडा संकलन गरि विपन्न वर्गका लागि दिने योजना अनुरुप कार्यलाय नै स्थापना गरि ब्यत्तिगत ,ब्यवसायिक प्रतिश्ठान र उत्पादन कम्पनीलाई अनुरोध गरिएको सस्थाका अध्यक्ष रामहरि ढुगानाले बताएका छन् ।
Discussion about this post