लेखनाथ २८ मसिर । लेखनाथ जेसीजको २८ औ अध्यक्षको रुपमा सर्वेन्द्र न्यौपाने चयन भएका छन् । लेखनाथ जेसीजको २७ औं शाखा अधिवेशन तथा २८ औं वार्षिक साधारण सभाले वर्ष २०२६ का लागि न्यौपानेलाई सर्वसम्वत रुपमा अध्यक्षतामा चयन गरेको हो ।
नवनिर्वाचित कार्यसमितिको कार्यकारिणी उपाध्यक्षमा आकाश बराल र निशान गौतम परियार चयन भएका छन् भने उपाध्यक्षमा सुशान्तमणि दाहाल, बिनया जमरकट्टेल, विश्वास बराल र नबिन अधिकारी रहेका छन्
यसैगरि समितिको महासचिवमा रसिसहरि भण्डारी,शाखा सम्पादकमा ध्रुव राज घिमिरे,कानुनी सल्लाहकारमा मौसम बराल र कोषाध्यक्षको जिम्मेवारी सुशील ढुंगानाले पाएका छन् भने सचिवमा शिवानी के.सी. चयन भएकी हुन् ।
यसअघि अधिवेशनको उद्घाटन गर्दै गण्डकी विश्वविद्यालयका कुलपति प्रा.डा.ईन्द्र प्रसाद तावारीले लेखनाथ जेसीजले सामाजिक सेवा, नेतृत्व विकास, युवाको क्षमता अभिवृद्धि तथा सामुदायिक विकासका क्षेत्रमा खेलेको भूमिकाको प्रशंसा गरेका थिए । साथै उनीले आगामी दिनमा युवालाई जिम्मेवार नागरिक बनाउँदै समाज रूपान्तरणमा थप सक्रिय भूमिका निर्वाह गर्नुपर्नेमा जोड दिए।
नवनिर्वाचित अध्यक्ष सर्बेन्द्र न्यौपानेले आफ्नो कार्यकालमा संगठनलाई थप सशक्त, व्यवस्थित र परिणाममुखी बनाउने प्रतिबद्धता व्यक्त गरे । उनले युवाहरूलाई नेतृत्व, व्यक्तित्व विकास र समाजसेवामा सक्रिय गराउँदै लेखनाथ क्षेत्रको समग्र विकासमा जेसीजको योगदानलाई अझ प्रभावकारी बनाइने बताए ।
कार्यक्रममा वर्तमान अध्यक्ष कृष्ण तिवारीले आफ्नो कार्यकालभर सञ्चालन गरिएका गतिविधिहरूलाई श्रव्य–दृश्य माध्यमबाट प्रस्तुत गरेका थिए । उहाँले कार्यकालका सफल–असफल पक्षहरू पदाधिकारी तथा सदस्यहरूले मूल्याङ्कन गर्ने विश्वास व्यक्त गर्दै संस्थालाई अझ सुदृढ बनाउँदै आगामी वर्षका लागि सक्षम नेतृत्व प्रदान गर्न आफू प्रतिबद्ध रहेको बताए ।
सोही अवसरमा पोखरा महानगरपालिका वडा नं. ३० का वडा सदस्य विनोदप्रसाद लामिछाने, लेखनाथ उद्योग वाणिज्य संघका द्वितीय उपाध्यक्ष ध्रुवबाबु भट्टराई, नागरिक परोपकार लेखनाथका अध्यक्ष देवराज पन्थी, लेखनाथ सामुदायिक प्रहरी सेवा केन्द्रकी अध्यक्ष गंगाकुमारी खनाल, संस्थाका पूर्व अध्यक्ष सुरेन्द्रराज अधिकारी, निवर्तमान अध्यक्ष प्रकाश राइभाट, पूर्व अध्यक्ष ऋषिराम जमरकटेल, लेखनाथ जुनियर जेसीजकी अध्यक्ष शोभा के.सी., पूर्व अध्यक्ष नवराज पौडेल, महासचिव सर्वेन्द्र न्यौपाने लगायतले जेसीजको महत्व, वर्तमान आवश्यकता र समाज विकासको भूमिकाकोबारे चर्चा गरेका थिए ।
साधारण सभामा वार्षिक प्रगति प्रतिवेदन, आर्थिक प्रतिवेदन प्रस्तुत तथा पारित गर्नुका साथै आगामी कार्ययोजना र कार्यक्रमबारे समेत छलफल गरिएको थियो । सहभागिहरूले संगठनलाई अझ मजबुत बनाउन सहकार्य, अनुशासन र निरन्तर सक्रियताको आवश्यकता औंल्याएका थिए ।
Discussion about this post