जनता सहकारीमा ओझाको नेतृत्व

लेखनाथ,२४ कार्तीक । पोखरा महानगर पालिका वडा नं ३० को पावरहाउसमा रहेको जनता वहुउद्देश्यिय सहकारी संस्थाको अध्यक्षमा भरतराज ओझा चयन भएका छन् ।

सहकारीको १४औ साधारण सभा एवं सातौं अधिवेशनले आगामी कार्यकालका लागि सर्वसम्वत रुपमा ओझा चयन भएका हुन् । सस्थामा लामो समय देखि काम गर्दै आएका ओझा कोषाध्यक्ष र निर्वतमान समितिका सचिव भएर काम गरेका थिए भने ओझा लेखनाथ उद्योग बाणिज्य संघका महासचिव समेत रहेका छन् ।

यसैगरि समितीको उपाध्यक्षमा सन वहादुर गुरुङ (कालु), सचिवमा प्रेमराज वस्यौला, कोषाध्यक्षमा दयाराज भण्डारी, सदस्यहरुमा लक्ष्मी त्रिपाठी ओझा, पुष्पराज अधिकारी, पदमराज पौडेल, रमेश श्रेष्ठ, शर्मिला श्रेष्ठ, टेक वन्धु अर्याल, केश वहादुर गोदार, लेखा समिती संयोजक रविन्द्र पौडेल, सदस्यमा लक्ष्मण बिजयपति र सुवास कडेल रहेका छन् ।

संस्थाका अध्यक्ष विश्वराज लामिछानेको अध्यक्षता भएको कार्यक्रमको उद्घाटन गर्दै लेखनाथ उद्योग वाणिज्य संघका अध्यक्ष जानुका पराजुलीले सहकारीले आफना सेयर सदस्यको आय आर्जनमा बृद्धि गर्नका लागि ब्यवसायिक उत्पादनको क्षेत्रमा लगानी वढाउनु पर्नेमा जोड दिएकी थिईन ।

कार्यक्रममा पूर्व अध्यक्ष विश्वमोहन पौडेल, सोभामोहन पौडेल, कुल वहादुर रानाभाट, लेखनाथ उद्योग वाणिज्य संघका पूर्वअध्यक्षहरु वावुराम गिरी, लक्ष्मी त्रिपाठी ,सेयर सदस्य अर्जुन अधिकारी, लक्ष्मी वास्तोला लगाएतले आ आफ्नो धारणा राखेका थिए ।

सोही अवसरमा असल कोरोवारी , एस ई ई मा ४ जी पि ए ल्याउने छात्रा एवं संस्थाका कर्मचारीहरुलाई समेत सम्मान गरिएको थियो । निर्वाचन मण्डलमा वरिष्ठ अधिवक्ता फडिन्द्रराज कोइराला, अर्जुन अधिकारी र सुजन ढेवाजु रहेका थिए ।