लेखनाथ, ३० असोज । निर्माण ब्यवसायिले वनाउने भौतीक संरचनालाई राज्यले तोकेको गुणस्थरियता कायम गर्न ब्यवसायिलाई आग्रह गरिएको छ ।
लेखनाथ निर्माण ब्यवसायी समितिको विहिवार सम्पन्न आठौं बार्षिक साधारण सभाका सहभागी बक्ताहरुले घरधनीले आफनो जिवनमा प्राय एक पटक घर बनाउने भएकाले ब्यवसायिले बनाउने संरचना नाफाका लागि मात्र नभई राज्यले तोकेको नियम र परिधिमा रहेर गुणस्तरिय सामाग्रीको प्रयोगबाट भुकम्प प्रतिरोधात्मक संरचना बनाउनका लागि सुल्झाएका हुन् ।
लेखनाथ निर्माण ब्यवसायि समितिले पोखरा–३० को खुदीमा निर्माण गरेको कार्यालय भवनको उद्घाटन गर्दै पोखरा महनागरपालिका वडा नं ३० का वडाअध्यक्ष दुर्गाप्रसाद सुवेदीले निर्माण ब्यवसायि र मजदुरहरुका लागि महानगरपालिकाको सहयोगमा प्राविधिक सहितको प्रयोगात्मक तालिम दिन सक्यो भने हामीले प्रयोग गर्ने भवन मजभुत हुने दावि गर्दै ब्यवसायिले आफनो सिपको अधिकतम प्रयोग गरि हातमा काम र गोजीमा दाम लिएर फर्कनु पर्नेमा जोड दिएका थिए ।
निर्माण ब्यवसायि र घरधनीका विच अन्तिम अवस्थामा प्राय देखिने मन मन मुटावलाई ध्यानमा राख्दै सम्झौता अनुसारकै काम र दाम नहुदा आउने समस्याका बारेमा समयमा नै सचेत भई वडा कार्यलायसँग समन्वय गरि अगाडी वढ्न समेत वडाअध्यक्ष सुवेदीले आग्रह गरेका थिए ।
सोही अवसरमा लेखनाथ निर्माण ब्यवसायी समितिका सस्थापक अध्यक्ष किसानसिह गुरुङले ब्यवसायिको आफनै लगानीमा जग्गा किनेर भवन बनाउन सफल भएपछि अवका दिनमा ब्यवसायिक एकता र काममा कसरी गुणस्तरियता कामम गर्न सकिन्छ भन्ने वारेमा हाम्रो ध्यान जाने बताएका थिए ।
कार्यक्रममा समितिका अध्यक्ष भीमवहादुर नेपाली काईलाले अग्रजले देखाएको वाटोलाई पछाउदै निर्माण ब्यवसायिले सामाजिक उत्तरदाईत्वलाई समेत ध्यानमा राखेर काम गरेको बताएका थिए ।
करिव ३५ लाखको लागतमा निर्माण गरिएको भवन उद्घाटन समारोहमा लेखनाथ उद्योग बाणिज्य संघका द्धितिय उपाध्यक्ष धु्रवबाबु भट्टराई,लेखनाथ हाडवयर्स एशोसियसनका अध्यक्ष अजुनराज पंगेनी,माछापुछ्रे निर्माण ब्यवसायि समितिका अध्यक्ष बुद्धि लामगादी, दमौली निर्माण ब्यवसायि समितिका अध्यक्ष सागर थापा मगर, श्रम निर्माण ब्यवसायि समिति पोखराका अध्यक्ष तिर्थ बहादुर मगर र सस्थाका सल्लाहकार दुर्गादत्त अधिकारी लगाएतले आ आफनो धारणा राखेका थिए ।
लेखनाथ निर्माण ब्यवसायी समितिका अध्यक्ष भीमबहादुर नेपालीको अध्यक्षतामा भएको कार्यक्रमको संचालन सचिव बुद्धराज बस्यालले गरेका थिए भने स्वागत मन्तव्य वरिष्ठ उपाध्यक्ष जीवन कुमार परियारले गरेका थिए ।
Discussion about this post