सँयुक्त गोर्खा भु पु सैनिकमा जंङ्ग बहादुर
भु पु सैनिक कुनै पार्टी विशेषको हुन सक्दैन
लेखनाथ, २९ असोज । जागिरे जिवन पछिका कुनै पनि निवृत सेना,प्रहरी र कर्मचारी राजनितीक पार्टी विशेषका हुन नहुनेमा जोड दिएका छन् ।
जागिरे जिवन सकेर भु पु भएकाहरुको साझा सस्था सँयुक्त गोर्खा भु पु सैनिक क्लवको बुधबार भएको १६ औं बार्षिक साधारण सभा तथा छैटौं अधिवेशनका सहभागी बक्ताहरुले जागिरको समयमा देश र राष्ट्रियता प्रति उत्तरदायि भएकाले त्यस पछि पनि राज्यले प्रतिपादन गरेका नियम र परिधिमा रहनु पर्छ उनिहरुको सुझाव थियो ।
कार्यक्रममा वोल्दै क्लवका जेष्ठ आजिवन सदस्य हेनरी क्याप्टेन चन्द्र वहादुर गुरुङले सैनिकले निर्धारीत समयमा तोकिएका काम गर्ने वानी परेकाले अव पनि हामीले सवैलाई समयको ख्याल गर्न आग्रह गर्दै हामी सरकारले दिएको तलव भक्ता खाने तर पार्टी विशेषको भएर समाजमा देखिन नहुने आवाज उठाएका थिए ।
सोही अवसरमा निर्वतमान अध्यक्ष मेजर रामप्रसाद गुरुङले जागिरे जिवनमा सिकेका कुरालाई समाज सुधारका लागि काम गर्न आग्रह गर्दै हामीले कमाएको पैसा भन्दा पनि त्यहाँबाट सिकेका कुरालाई समाज रुपान्तरणका लागि प्रयोग गर्न सक्नु पर्छ उनको भनाई थियो ।
सँयुक्त गोर्खा भु पु सैनिक क्लवका अध्यक्ष जंङ्ग बहादुर गुरुङको अध्यक्षतामा भएको कार्यक्रममा सल्लाहकार सुवेदार चेस वहादुर गुरुङले सस्था स्थापना काल देखि गर्दै आएका समाजिक कामका बारेमा जानकारी गराएका थिए । सस्थाका सचिव नायव सुवेदार बालकृष्ण सुवेदीले संचालन गरेको कार्यक्रममा कोषाध्यक्ष सुवेदार मेजर उदय बहादुर वस्नेतले आर्थीक प्रतिवेदन र धन्यवाद ज्ञापन उपाध्यक्ष सुवेदार मेघ बहादुर गरुङले गरेका थिए ।
यसै विच क्लवको छैटौं अधिवेशनले आगामी दुई वर्षका लागि पुन डब्लु ओ टु जंङ्ग बहादुर गुरुङको अध्यक्षतामा नयाँ कार्यसमिति चयन गरेको छ । नवगठित समितिको उपाध्यक्षमा सुवेदार मेघ बहादुर गरुङ,सचिवमा नायव सुवेदार बालकृष्ण सुवेदी,कोषाध्यक्षमा सुवेदार मेजर उदय बहादुर वस्नेत,सह सचिवमा दल बहादुर गुरुङ र सह कोषाध्यक्षमा तेजराज गुरुङ रहेका छन् भने समितिको सदस्यमा नारायण वहादुर गुरुङ,मोहन बहादुर थापा,कृष्ण प्रसाद गुरुङ,बिष्णु प्रसाद घले र निवर्तमान अध्यक्षमा मेजर रामप्रसाद गुरुङ रहेको बताईएको छ ।
Discussion about this post