लेखनाथ, ४ असोज । पोखरा महानगरपालिका वडा नम्वर –२६ मा रहेको सनराईज क्लवले राखेको आठौं खुल्ला रक्तदानमा ५० युनिट रगत संकलन भएको छ ।
क्लवको आयोजनामा सुन्दरी बजार टोल विकास सस्था र सृजना महिला समुहको सहकार्यमा हरेक वर्ष राखिदै आएको खुल्ला रक्तदानमा ५० युनिट रगत संकलन भएको हो ।
पहिलो रक्तदाता कमला त्रिपाठी न्यौपानेलाई बल्ड ब्याग हस्तान्तरण गर्दै पोखरा महानगरपालिका वडा नम्वर २६ का वडाअध्यक्ष नरेन्द्र थापाले क्लवले सामाजिक क्षेत्रमा देखाएको अग्रसरता समाजका लागि उदाहरणीय कार्य भएकाले आगामी दिनमा क्लवले गर्ने सामाजिक उत्तरदायित्व काममा वडाले सहकार्य गर्दै जाने धारणा राखेका थिए ।
सोही अवसरमा क्लवका सल्लाहकार रविन्द्र मोहन अधिकारी र सृजना महिला समुहका अध्यक्ष सृजना जि सी लगाएतले रत्तदानको महत्व र उपयोगिताका वारेमा जानकारी गराउदै स्वच्छ र निरोगी भएर बाच्नका लागि तीन तीन महिनाको अन्तरमा रक्तदान गर्दा राम्रो हुने विचार राखेका थिए ।
क्लवका अध्यक्ष सुर्यनाथ न्यौपानेको अध्यक्षतामा भएको कार्यक्रमको संचालन सचिव विनोद कार्कीले गरेका थिए भने स्वागत मन्तव्य सुन्दरी बजार टोल विकास सस्थाका अध्यक्ष रमेश वहादुर जि सीले राखेका थिए ।
Discussion about this post