लेखनाथ, १३ साउन । रोट्र्याक्ट क्लब अफ लेखनाथको १५औं पदस्थापन समारोह शनिबार सम्पन्न भएको छ । रोट्रयाक्ट डिस्ट्रिक्ट ३२९२ अन्तर्गत आबद्ध क्लबले १५औं अध्यक्षको रुपमा रोटा वर्ष २०२५/२६ का लागि कमल गौतमलाई चयन गरेको थियो ।
क्लबका वर्ष २०२४/२५ का अध्यक्ष सर्वेन्द्र न्यौपाने नेतृत्वका पदाधिकारीले वर्ष २०२५/२६ का लागि निर्वाचित कमल गौतम लगायतका पदाधिकारीहरूलाई पद हस्तान्तरण गरेका हुन् । नवगठित समितिलाई पद तथा गोपनीयताको शपथ गराउँदै कार्यक्रममा बिशिष्ट अतिथि रोटा बर्ष २०२५–२०२६ का ADRR डा अनुपा वाग्लेले सफल कार्यकालको शुभकामना व्यक्त गरेकी थिईन । क्लवका नयाँ सदस्यहरुलाई ZRR श्रीनाथ वाग्लेले सपथ ग्रहण गराएका थिए ।
समारोहमा वर्तमान अध्यक्ष कमल गौतमले वर्ष २०२५/२६ को बोर्डलाई परिचित गराउँदै शपथ ग्रहण गराएका थिए । त्यस्तै क्लबका निवर्तमान अध्यक्ष सर्वेन्द्र न्यौपानेले वर्ष २०२४/२५ मा गरेका कार्यहरूको प्रकाश पार्दै वर्ष २०२४/२५ मा विशेष सहयोग गर्ने सदस्यहरूलाई सम्मान समेत गरेका थिए ।
सम्मानीत हुनेहरुमा वर्ष २०२४/०२५ को उत्कृष्ट रोट्रयाक्टमा सुशान्त मणि दाहाल, उत्कृष्ट अध्यक्षमा सल्लाहकारमा चिरञ्जीवी न्यौपाने, उत्कृष्ट उदयीमान सदस्यमा स्वच्छन्द आत्रेय र उत्कृष्ट सदस्यमा कमल गौतम रहेका छन ।
कार्यक्रमलाई सम्बोधन गर्दै पुर्व गृहमन्त्री एवं गण्डकी प्रदेशका निवर्तमान मुख्यमन्त्री माननीय खगराज अधिकारीले युवाहरू सामाजिक कार्यमा लाग्नु आफैमा राम्रो काम भएको र आउने दिनमा आफ्नो साथ रहने बताएका थिए ।
कार्यक्रममा बिशिष्ट अतिथि रोटा बर्ष २०२५–२०२६ का ADRR डा अनुपा वाग्ले, अतिथि रोटा बर्ष २०२५–२०२६ का ZRR श्रीनाथ वाग्ले, अतिथि शिशुवा अस्पतालका अध्यक्ष बाबुराम गिरी, लेखनाथ उद्योग वाणिज्य संघका का निवर्तमान अध्यक्ष छ्त्रधर आत्रेय, त्रिवेणी इन्टरनेशनल कलेजका अध्यक्ष सुमन भट्टराई, लेखनाथ उद्योग वाणिज्य संघका पुर्व अध्यक्ष लक्ष्मी प्रसाद त्रिपाठी, त्रिवेणी इन्टरनेशनल कलेजका क्याम्पस प्रमुख यदुराज आचार्य, प्रादेशिक जनरल तथा सरुवा रोग अस्पताल, पोखरा ३०, मोहोरियाका अध्यक्ष ऋषिराम जमरकटेल, रोट्रयाक्ट क्लब अफ लेखनाथका पूर्व अध्यक्षहरू तथा निवर्तमान अध्यक्ष रोट्रयाक्ट कृष्ण तिवारी, २०२४/२५ र २०२५/२६ का सम्पुर्ण जोन र डिष्ट्रिक्ट पदाधीकारी जोन १६ का पदाधिकारीहरु र सम्पुर्ण अध्यक्षहरु, लेखनाथ उद्योग वाणिज्य संघका सम्पुर्ण पदाधिकारीहरु लगायत विभिन्न संघ संस्थाका प्रतिनिधिहरु एवं सामाजीक व्यक्तित्वहरुको उपस्थीती रहेको थियो ।
उक्त अवसरमा वर्ष २०२४/०२५ का सञ्चालनमा आएको क्लवको वेबसाईटको पनि प्रमुख अतिथि खगराज अधिकारीले औपचारीक रुपमा उद्घाटन गरेका थिए । नवनिर्वाचित अध्यक्षको परिचय क्लवका पुर्वअध्यक्ष सुजन न्यौपानेले गरेका थिए भने प्रमुख अतिथीको परिचय प्रादेशिक जनरल तथा सरुवा रोग अस्पताल, पोखरा ३०, मोहोरियाका अध्यक्ष ऋषिराम जमरकटेलले गराएका थिए ।
कार्यक्रम संयोजक स्वच्छन्द आत्रेयले स्वागत गरेको कार्यक्रमको सञ्चालन कार्यवाहक सचिव नविन अधिकारीले गरेका थिए ।
Discussion about this post