लेखनाथ ४ साउन । पोखरा आसपासका क्षेत्रमा ओझेलमा परेका स्थानको पहिचान गराउदै त्यस क्षेत्रमा आन्तरिक तथा बाह्य पर्यटनको बिकासमा सहयोग पुग्ने साईकल यात्रा गरिएको छ ।
साईकलको माध्यमबाट कास्कीका बिभिन्न पर्यटकिय क्षेत्रमा पुग्न सकिन्छ भन्ने शन्देस दिने उदेश्यले कोराराईड २०२५ (धार्मिक मठ, मन्दिर, गुम्वा, चर्चको घडिको सुई घुम्ने दिशामा घुमेर परिक्रमा गर्ने ) आयोजना गरिएको हो ।
आरवि निर्माण सेवाको प्रायोजन र साईकल सिटि कास्कीको सहकार्यमा शनिबार ५५ किलोमिटर दुरीमा करिव ६० जना भन्दा बढि साईकल यात्रिहरुको सहभागीतामा कोराराईड सफलता पुर्वक सम्पन्न गरिएको हो ।
पोखराको अमरसिंह चौरबाट शुरु भएको साईकल यात्रीहरुलाई साईकल सिटीका अध्यक्ष श्यामकृष्ण श्रेष्ठले खादा तथा माला लगाई शुरुवात गर्नुभएको साइकल यात्रा भद्रकालि हुदै राखि,कालिका, माझठाना,बेगनास,रुपाताल हुदै पृथ्वीराजमार्गबाट पुनःअमरसिंहमा आई समापन गरिएको कार्यक्रम संयोजक विजय लामाले जानकारी दिएका छन्
नौ वर्ष देखि ७० वर्षसम्मका साईकल यात्रीहरुको ५५ किमिको यात्रामा पोखरा २८ को कालिका मन्दिर ब्यवस्थापन समितिले स्वागत तथा सन्मान, कालिका लायन्स क्ल्वले स्वागत र ओख्लेमा स्थानिय आमा समूह द्दारा खाजा तथा स्वागत, रुपातालको खोलाको छेउमा रुपा युवा क्लव द्वारा स्वागत गरेको सहभागी साईकल यात्री चक्रपाणी वरालले बताएका छन् ।
करिव ४/५ घण्टाको साईकल यात्राका क्रममा भद्रकाली मन्दिर,मिया पाटनको मस्जिद ,पोखरा २८ को कालिका भगवती मन्दिर,शिव मन्दिर,ठुलाकोट भैरब मन्दिर,माझाठानको मनकामना मन्दिर,वेगनासको कोट भैरमव मन्दिर र रुपातालको सिरान तालवेशीमा रुखको जराबाट पानी निस्केको अदभूत धार्मिक स्थलको दिर्शावलोकन गरिएको सह संयोजक झेम्पेल लामाले जानकारी दिएका छन् ।
Discussion about this post