लेखनाथ, २२ चैत्र । सातौं रुपा सिष्ठेनी मेला शुक्रबारबाट शुरु भएको छ । “इतिहास सँगै पर्यटकीय प्रवद्र्धन, जैविक विविधता, सिमसार हाम्रो संरक्षण” भन्ने मुल नाराका साथ स्थानिय रुपा यूवा क्लवको आयोजनामा रुपातालको किनारमा रहेको सिष्ठेनीमा मेलाको आयोजना गरिएको हो ।
करीब ६ सय वर्ष अघिदेखिको ईतिहास बोकेको मेलालाई समय अनुकुल परिष्कृत र परिमार्जीत गर्दै चैते दशै तथा नव वर्ष २०८२ को अवसरमा क्लवले मेलाको सातौं संस्करणको आयोजना गरेको हो ।
मेला तथा महोत्सवको सुरुवात सिस्टेनीबाटै भएको दावी गर्ने स्थानियहरु उक्त समयमा पनि मेलामा स्थानिय कृषि उत्पादन, कृषि औजार तथा छेलो हान्ने ठाउँको रुपमा ख्याती कमाएको वताउँछन ।
शुक्रबार मेलाको उद्घाटन गर्दै गण्डकी प्रदेशका बन तथा वातावरण मन्त्री भेष बहादुर पौडेलले मौलिक सँस्कृती र स्थानीय उत्पादनलाई टेवा पु¥याउन मेलाले सहयोग पुग्ने विश्वास व्यक्त गदै मेला र महोत्सवलाई समयानुकुल परिस्कृत गर्दै मेलामा विकास निर्माणका आवश्यकता र योजनाका विषयमा पनि छलफल चलाउनुपर्ने वताएका थिए ।
मन्त्री पौडेलले भने “हाम्रो ठाउँ हामीले नै वनाउने हो जसका लागि अव हामी आय आर्जनमा जोडिनै पर्छ, विदेशमा गएका नेपालीलाई स्वदेशमा फर्काउने र स्वदेशमा नै रहेका युवालाई यही नै रोजगार सृजना गर्न सकियो भने हाम्रो देशको विकास भोली होईन आजै हुन्छ” ।
कार्यक्रममा पुर्वमन्त्री यज्ञ वहादुर थापाले शासन हैन सुशासान अहिलेको आवश्यकता भएको वताउँदै जनता नेताका लागि विश्वविद्यालय भएको र नेतृत्वमा हुनेले जनताले सिकाएकै काम गर्नुपर्नेमा जोड दिएका थिए । उनले तिनै तहबाट विनियोजित हुने बजेट कनिका छरे झैं छर्न नहुने र एकद्धार प्रणालीबाट वितरण गर्नुपर्ने वताएका थिए ।
पोखरा महानगरपालिका वडा नं. ३२ का वडाध्यक्ष अक्कलबहादुर कार्कीले विकास निर्माणका काममा संघिय र प्रदेश सरकारसँग सहकार्य गरेर अगाडी बढ्नु पर्नेमा जोड दिएका थिए ।
क्लबका संस्थापक अध्यक्ष तथा मेलाका निर्देशक धिरजकुमार श्रेष्ठले मेलामा साहित्य कला, संस्कृति, धर्मको जागरण गर्ने, रुपाताल वरिपरी विकासका लागि पहल गर्ने, पर्यटन प्रवद्धर्न गर्ने मेलाको उद्देश्य रहेको बताए ।
कार्यक्रममा झाँकी ¥याली संयोजक सीता अधिकारी, लेखनाथ उद्योग वाणिज्य संघका अध्यक्ष विनोद श्रेष्ठ र लोक दोहोरी गायक शिवहरि ढुंगाना लगायतले मेलालाई वार्षिक रुपमै मनाउने गरी कार्ययोजना बनाउनुपर्नेमा जोड दिएका थिए ।
कार्यक्रममा स्थानिय जात जाती तथा आमा समुहहरुले मौलीक सस्कृती झल्कने गरि आ आफनो भेष भुषामा झाँकी ¥याली प्रदर्शन गरिएको थियो ।
क्लबका अध्यक्ष नवराज खड्काको अध्यक्षतामा भएको कार्यक्रमको संञ्चालन क्लबका सचिव अनिल पंगेनीले गरेका थिए ।
मेलामा खुला भलिबल प्रतियोगिता, महिला, पुरुष रस्साकसी प्रतियोगिता, छेलो प्रतियोगिता, रत्यौली प्रतियोगिता, राष्ट्रिय लोक दोहोरी, कृषि प्रर्दशनी, फुड फेस्टिवल, जैविक विविधताको प्रर्दशनी, रुपा तालका माछा प्रर्दशनी, पप कन्सर्ट, बाल उद्यान र साँस्कृतिक कार्यक्रमको प्रस्तुती रहने छ ।
मेलाले साहित्य कला, संस्कृति र धर्मको जागरण गर्ने, रुपाताल वरिपरिको विकासका लागि पहल गर्ने, आन्तरिक तथा बाहय पर्यटन प्रवद्धर्न गर्ने लगायतको उद्देश्य राखिएको छ ।
मेला सम्पन्न गर्न करीब ३३ लाख खर्च लाग्ने अनुमान गरिएको छ भने खर्च कटाएर करीब २ लाख बचत हुने अनुमान गरिएको छ । करिव ३० रोपनी क्षेत्रफल भित्र १ सय १५ वटा स्टल रहने र करिब १ लाख दर्शकले मेलाको अवलोकन गर्ने अनुमान गरिएको छ ।
Discussion about this post