लेखनाथ,१४ मंसिर । खेलकुदको क्षेत्रबाट अगाडी वढेको आदर्श युवा क्लब पोखरा २९ ले मंसिर २२ गतेदेखि आयोजना गर्न लागेको २५ औ आदर्श कप २०८१ को पुर्व सन्ध्यामा राखेको रक्तदानमा ४५ युनिट रगत संकलन भएको छ ।
“रक्तदान जीवनदान, जीवनदान महादान” भन्ने मूल मन्त्रलाई आत्मसाथ क्लवको वार्षिक कार्यक्रमलाई समेत समावेस गरिएको रक्तदानमा ४५ युनिट रगत सङ्कलन भएको कार्यक्रम संयोजक उद्धव गिरीले जानकारी दिएका छन् ।
विकासमा अनुशासन र गतिशीलता भन्ने मूल नाराका साथ स्थापित आदर्श युवा क्लबको २७ औ वार्षिकोत्सवका अवसरमा राखिएको रक्तदान कार्यक्रममा बोल्दै पोखरा महानगरपालिका वडा नं २९ का वडाध्यक्ष श्रीप्रसाद गुरुङले क्लवले आगाडी सारेका सामाजिक कार्यलाई निरन्तरता दिन आग्रह गरे । यस्ता कार्यक्रममा आफ्नो सदैव साथ र सहयोग रहने उनको भनाइ रहेको थियो ।
कार्यक्रममा क्लबका अध्यक्ष पदम गुरुङले संस्थाको वार्षिक कार्यक्रम अन्तरगत रक्तदान कार्यक्रम गरिएको र यहीं मंसिर २२ गतेदेखि २९ गतेसम्म सञ्चालन हुने २५ औ आदर्श कप २०८१ को तयारी तिव्र रुपमा अगाडी वढेकाले सवैले आ–आफ्नो क्षेत्रबाट सक्दो सहयोग गर्न समेत अपिल गरेका थिए ।
Discussion about this post