लेखनाथ, ८ कात्तिक । नेपाल जेसिजको आयोजनामा कास्कीको सात तालको बाटिका सहर लेखनाथमा शुक्रवार देखि १३औँ राष्ट्रिय जुनियर जेसिस सम्मेलन हुने भएको छ ।
यही कात्तिक ९, १० र ११ गतेसम्म सञ्चालन हुने सम्मेलनमा देशभरबाट ३८ वटा साखाबाट १२ देखि २५ वर्ष उमेर सुमुहका करिव तीन सय जना जुनियर जेसिजको सहभागी हुने कार्यक्रम निर्देशक शिवानी केसीले पत्रकार सम्मेलन मार्फत जानकारी गराएका हुन ।
लेखनाथ जेसिजको संरक्षकत्व एवं लेखनाथ जुनियर जेसिजको आत्थियतामा हुन लागेको सम्मेलनले सात तालको बाटिका सहरका रूपमा चर्चा कमाएकाले लेखनाथ क्षेत्रको पर्यटन प्रवर्द्धन हुने विश्वास लिइएको लेखनाथ जुनियर जेसिजका अध्यक्ष प्राञ्जल पौडेलले बताए ।
सम्मेलनमा विभिन्न महत्त्वपूर्ण विषयमा छलफल, बहस हुनुका साथै तालिम सञ्चालन हुने जानकारी दिँदै उनले सहभागीलाई कवि शिरोमणि लेखनाथ पौड्यालको जन्मस्थल सहित लेखनाथ क्षेत्रका सात वटै तालको अवलोकन गराइने बताए ।
पत्रकार सम्मेलनमा राष्ट्रिय जुनियर जेसिजका संयोजक आर एन पौडेल, लेखनाथ जेसिजका अध्यक्ष प्रकाश राईभाट र नेशनल लिडर्स एकेडेमीका संयोजक नविन अधिकारीले सम्मेलनका विधि र प्रक्रिया लगायत विषयमा जानकारी गराएका थिए ।
Discussion about this post