लेखनाथ, १५ भदौ । बैंर्कस क्लव लेखनाथको आयोजनामा आयोजित प्रथम मैत्रीपुर्ण फुटसल प्रतियोगिता २०८१ के उपाधी रोट्रयाक्ट क्लव अफ लेखनाथले जितेको छ ।
शनिबार आयोजित प्रतियोगिताको फाईनल खेलमा बैंकर्स क्लव लेखनाथ ए लाई ३–२ को गोल अन्तरले हराउँदै उपाधि हात पारेको हो ।
आयोजक टिम बैंकर्स क्लब ए भने उप–विजेतामै सिमित हुन पुगेको छ । सेमीफाईनल चरणको खेलमा लेखनाथ उद्योग वाणिज्य संघ लाई ७–१ ले हराउँदै बैंकर्स क्लब फाईनलमा पुग्न सफल भएको थियो ।
प्रतियोगितामा बैंर्कस क्लव लेखनाथका दिपक ढुंगाना हाई स्कोर, रोट्रयाक्ट क्लव अफ लेखनाथका पुकार ताम्राकार उत्कृष्ट खेलाडी, बैंर्कस क्लव लेखनाथका निलेश ढेवाजु उत्कृष्ट गोल रक्षक घोषित भएका थिए ।
यस अघि प्रतियोगिताको उद्घाटन गर्दै लेखनाथ उद्योग वाणिज्य संघका अध्यक्ष विनोद श्रेष्ठले यस किसिमका खेल प्रतियोगिता स्वास्थ्यका लागि फाईदाजनक हुनुका साथै एक आपसमा भाईचारा अभिवृद्धि गर्नको लागी समेत उपयुक्त हुने वताएका थिए ।
कार्यक्रममा ईलाका प्रहरी कार्यालय डाँडाको नाकका प्रमुख यामनारायण अर्याल, लेखनाथ पत्रकार मञ्चका अध्यक्ष कविराज खनाल लगायतले बोलेका थिए ।
बैंर्कस क्लव लेखनाथका अध्यक्ष भोजराज सुवेदीको अध्यक्षतामा सम्पन्न कार्यक्रममा सदस्य उषा घिमिेरले स्वागत गरेकी थिईन भने कार्यक्रमको संयोजन एवम सञ्चालन सचिव रेशमलाल श्रेष्ठले गरेका थिए ।
Discussion about this post