लेखनाथ,१ भदाै । खेलकुदको क्षेत्रवाट अगाडी वढेको पोखरा महानगरपालिका वडा नं –२९ को भण्डारढिकमा रहेको आदर्श युवा क्लबको १३ औं अधिवेशनबाट निर्वाचित टिमलार्ई शनिवार एक कार्यक्रमका विच पदस्थापन गरिएको छ ।
अधिवेशनले आगामी दुई वर्षे कार्यकालका लागि अध्यक्ष पदमा सर्वसम्मत गर्ने प्रयास भए पनि बर्तमान अध्यक्ष पदम गुरुङ र उपाध्यक्ष लक्ष्मण सुनारका विच भएको निर्वाचन प्रक्रियामा गुरुङ पुन अध्यक्ष पदमा निर्वाचित भएपछि निर्वाचन संयोजक अधिवक्ता मदन प्रसाद तिवारीले पद तथा गोपनियताको सफल गराएका हुन् ।
यता अन्य पदका लागि भने सर्वसम्मत भएको थियो । जसको उपाध्यक्षमा ओम प्रकाश गुरुङ,सचिवमा सन्तोष गुरुङ,सह सचिवमा उद्धव गिरी र कोषाध्यक्षमा विष्णु हमाल रहेका छन् भने समितिको सदस्यहरुमा राजीव भण्डारी,ओम प्रसाद कुमाल,कर्ण बहादुर गुरुङ,संजय पौडेल,कृष्ण कुमाल र विनोद गुरुङ रहेका छन् ।
कार्यक्रममा नवनिर्वाचित अध्यक्ष पदम गुरुङले कोभिड र देशमा ब्याप्त आर्थीक मन्दीका कारण रोकिएको २५ औ आदर्श कपलाईलाई क्लवको स्थापना दिवसको अवसर पारेर वि स २०८१ को मंसिरमा गर्ने प्रतिवद्धता जाहेर गरेका थिए ।
पदस्थापन तथा सफत ग्रहण समारोहमा क्लवका स्थापक अध्यक्ष चेत वहादुर गुरुङ,पुर्व अध्यक्ष विजय गुरुङ,विशाल श्रेष्ठ,पत्रकार भीमपाणि बराल र निर्वाचन समितिका संयोजक अधिवक्ता मदन प्रसाद तिवारी र सदस्य अधिवत्ता सविन तिवारी लगाएतले क्लवले खेलकुदका क्षेत्रमा गरेको योगदानको उच्च कदर गर्दै बार्षिक रुपमा कुनै न कुनै खेलका कार्यक्रम गर्नका लागि सुझाव दिएका थिए ।
Discussion about this post