लेखनाथ निर्माण व्यवसायी समितिको अध्यक्षमा भिम बहादुर नेपाली `काईला´ चयन भएका छन । संस्थाकाे शुक्रबार सम्पन्न सातौं वार्षिक साधारण सभा तथा तेश्रो अधिवेशनले काईलालाई अध्यक्षमा चयन गरेकाे हाे ।
समितिका अन्य पदहरुमा सर्वसम्मत सहमती भएपनि अध्यक्ष पदका लागि भने बरिष्ठ उपाध्यक्ष भिम बहादुर नेपाली काईला र उपाध्यक्ष भविन पुन दुवैजनाले आफ्नो उम्मेद्वारी कायम राखेपछि बेलुका मतदान प्रक्रिया शुरु भएकाे थियाे ।
नवनिर्वाचित समितीकाे बरिष्ठ उपाध्क्षमा जीवन कुमार परियार, उपाध्यक्षमा रविलाल सुवेदी, सचिवमा बुद्दराज बस्याल, सह-सचिवमा एक बहादुर नेपाली, काेषाध्यक्षमा तिलक बहादुर नेपाली, सदस्यहरुमा ज्ञानु खड्गी, किरण नेपाली, रामकृष्ण अधिकारी, गाेरे पुन र सम बहादुर सार्की रहेका छन ।
यस अघि उद्घाटन समाराेहलाई सम्बाेधन गर्दै पोखरा महानगरपालिका वडा नं २९ का वडाध्यक्ष श्रीप्रसाद गुरुङले नगरपालिकाका इन्जिनियरहरुकै कारण आफ्नो पेसा संकटमा परेको गुनासो आएपछि यसबारे कार्यपालिका बैठकमा गम्भीरताका साथ कुरा उठाउने प्रतिबद्धता जनाए । उनले आफू र आफूमातहतका कन्सल्टेन्सीले काम नपाएकै भरमा निर्माण व्यवसायीलाई दुख दिन नपाइने उनको जोड छ ।
लेखनाथ उद्योग वाणिज्य अध्यक्ष विनोद श्रेष्ठले जहाँ श्रमको सम्मान हुँदैन त्यो ठाउँको विकास नहुने बताए । उनले संघ र निर्माण व्यवसायीबीचको सहकार्य अगाडि बढाउन आफूहरु तयार रहेको र महानगरपालिकका प्राविधिकहरुले गर्ने ढिलाइ नियतवश भएको हो भने सुधार गर्नुपर्ने बताए ।
कार्यक्रममा संस्थापक अध्यक्ष किसानसिं गुरुङ र निवर्तमान अध्यक्ष रामबहादुर गुरुङले चुनावको समयमा पदका लागि हानाथाप गर्ने तर काम गर्ने सवालमा निष्कृय बस्ने प्रवृत्ति अन्त्य हुनुपर्नेमा जोड दिए ।
लेखनाथ निर्माण व्यवसायीका अध्यक्ष प्रेमबहादुर थापाको अध्यक्षतामा भएको कार्यक्रममा लेखनाथ कुटानीपिसानी व्यवसायी समितिका निवर्तमान अध्यक्ष टीकाराम सापकोटा, इको रेड ब्रिक्सका सञ्चालक भरतराज ओझा, लेखनाथ फर्निचर एसोसियसन अध्यक्ष रविन बिक, नागरिक परोपकार समन्वय संस्था अध्यक्ष चिरञ्जीवी तिवारी, दीपशिखा सामुदायिक पुस्तकालय अध्यक्ष कृष्णहरि भण्डारी, लेखनाथ खानेपानी उपभोक्ता संस्थाका उपाध्यक्ष पुष्पकमल ढुंगाना, दमौली निर्माण व्यवसायी समिति अध्यक्ष सागर थापा मगर, तनहुँ निर्माण व्यवसायी समिति अध्यक्ष तीर्थबहादुर मगर, स्वरोजगार निर्माण व्यवसायी समितिका अध्यक्ष रमेश सिके र लेखनाथ फेब्रिकेट्स एसोसिएसन अध्यक्ष एसपी ढुंगाना लगायतले नीतिगत भ्रष्टाचार हुने गरेकाले त्यसविरुद्ध एकजुट भएर अगाडि बढ्नुपर्ने धारणा राखेका थिए ।
संस्थाका ज्येष्ठ सदस्य ६९ वर्षीय देवीरमण लामिछाने र उत्कृष्ट बिमाकर्ता बिक्रम थापालाई सम्मान गरिएको थियो ।
कार्यक्रममा स्वागत मन्तव्य लेखनाथ निर्माण व्यवसायी समितिका वरिष्ठ उपाध्यक्ष भीमबहादुर नेपाली (काइला) र सचिव जीवनकुमार परियारले हालसम्मका गतिविधि र आगामी कार्ययोजना सहितको वार्षिक प्रगति प्रतिवेदन प्रस्तुत गरेका थिए ।
Discussion about this post