लेखनाथ, ३० वैशाख । कास्कीको पोखरा महानगरपालिका वडा नं–२७ लाई पुर्ण खोप वडा घोषणा गरिएको छ । आईतवार एक कार्यक्रमका विच वडाका सवै बालबालिकालाई पुर्ण खोपका मात्र प्रदान गरिएको तथ्याड्ढ प्रस्तुत गरि पुर्ण खोपको प्रमाण–पत्र प्रदान गरिएको हो ।
वडाले चालु आर्थीक वर्षको १५ महिनामा वडा भित्र रहेका १५ महिनासम्मका एक सय ५१ र १६ महिना देखि ५९ महिना भित्रका चार सय ३६ जना वालवालिको लागि आवश्यक पर्ने १३ प्रकारका खोपको मात्र पुरा गरेकाले पुर्ण खोप सुनिश्चितता वडा घोषणा गरिएको हो ।
कार्यक्रममा पोखरा महानगरपालिका स्वास्थ्य महाशाखका स्वाथ्य अधिकृत हरिलाल आचार्यले वडा अध्यक्ष पुर्ण कुमार गुरुङलाई पुर्ण खोप सुनिश्चिताको प्रमाण–पत्र प्रदान गर्दै आगामी दिनमा सवै वालवालिकाको स्वास्थ्यलाई ख्यालमा राख्दै रोग लाग्नुपुर्व नै होशियारी अपनाउन पनि आग्रह गरेका थिए ।
वि.स. २०३४ साल देखि सुरु भएको राष्ट्रिय खोप अभियानलाई सफल पार्न स्वाथ्यकर्मी देखि स्वयमसेवीकाहरुले गरेको योगदानको उच्च कदर गर्दै सरकारले बैशाख महिनालाई खोप महिनाको रुपमा मनाउदै आएको र समयमा नै सवै वालवालिकाहरुलाई अनिवार्य रुपमा खोप प्रदान गर्नका लागि स्वाथ्य अधिकृत आचार्यले अनुरोध गरेका थिए ।
सोही अवसरमा वडा अध्यक्ष पुर्णकुमार गुरुङले वालवालिकाको मृत्युदर कम गर्न र भोलीका वच्चालाई कसरी निरोगी बनाउन सकिन्छ भन्ने वारेमा वडा चिन्तनशिल भएकाले यसमा सवैको साथ र सहयोगको आवश्यकता रहेको बताएका थिए ।
कार्यक्रममा स्वाथ्यचौकीकी प्रमुख रिता वाँस्तोला र स्वाथ्यकर्मी सविना वस्ताकोटीले बच्चा देखि आमाको स्वास्थ्यलाई समेत ख्यालमा राख्दै स्वास्थ्य परामर्श र घर घरमा पुगेर समयमा नै खोप लगाउन आफुहरु सफल भएको जानकारी गराएका थिए ।
Discussion about this post