लेखनाथ,२७ चैत्र । विश्व ब्यापी कोभिड महामारीको समयमा जनसेवा गर्ने उदेश्यले स्थापना भएको नागरिक परोपकार समन्वय संस्थाले वि स २०८१ को भित्रे–पात्रो सार्वजानीक गरेको छ ।
वाडी पहिरो, आगालागी लगायत आपत विपतमा परेका मानव समुदायलाई सहयोग गर्दै शववाहन सेवा समेत संचालन गर्दै आएको संस्थाले आफना वार्षिक कार्ययोजना सहितको भित्रे पात्रो मंगलवार एक कार्यक्रमका विच सार्वजनिक गरेको हो ।
भित्रे पात्रोको सामुहिक रुपमा सर्वजानिक गर्दै पोखरा महानगरपालिका वडा नं–३० का वडाअध्यक्ष दुर्गा प्रसाद सुवेदीले कास्की जिल्लालाई नै कार्यक्षेत्र वनाएको संस्थाको कार्यालय वडा नं–३० मा रहेकाले संस्थाले सामाजिक क्षेत्रमा देखाएको अग्रसरतालाई ध्यानमा राख्दै सहकार्यको माध्यमवाट अगाडी वढ्ने विश्वास दिलाएका थिए ।
कार्यक्रममा संस्थाका सल्लाहकार तथा लेखनाथ उद्योग बाणिज्य संघका पुर्व अध्यक्ष वावुराम गिरीले दुःख पिडामा परेका समुदायको हितका लागि संस्थाले गरेको काम प्रशंसायोग्य भएको बताएका थिए । संस्थापक अध्यक्ष राजेन्द्र ओझाले आपत विपतमा परेका समुदायको हितका लागि नागरिक परोपकार समन्वय संस्था सेवकको रुपमा काम गर्दै आएको धारणा राखेका थिए ।
Discussion about this post