खेल महोत्सवको पुर्व सन्ध्यामा दौड

लेखनाथ, १९ फागुन । सूर्य तारा क्लब र नेपाल खेलकुद महासंघ गण्डकीको संयुक्त आयोजनामा चैत ३ देखि ११ गतेसम्म पोखरा २९ स्थित भण्डारढिकमा हुने खेल महोत्सव २०८० को पुर्व सन्ध्यामा दौड प्रतियोगिताको आयोजना गरिएको छ ।

खेल महोत्सवको प्रचार प्रसारमा सहयोग पुग्ने गरि शनिवार लेखनाथको प्रस्तावित र®शाला भण्डारढीक खेल मैदानमा सात किलोमिटरका चार विदामा दौड प्रतियोगिता सम्पन्न गरिएको हो ।

प्रतियोगिताको मुख्य आकर्षण ४५ वर्ष माथीको भेण्टन्समा विश्व कल्याण थापाले प्रथम स्थान हासिल गरेका छन् भने शंकर साहाले दितिय र ओम बहादुर थापाले तृतिय स्थान हासिल गर्न सफल भएका छन् । यसैगरि खुल्ला महिला तर्फको दौडमा नितु तामा® प्रथम,कविता मगर दितिय र विष्णु थापाले तृतिय स्थान हासिल गरेकी थिईन ।

यसैगरि बिद्यालय स्तरिय छात्र तर्फको दौडमा कास्की मोडनाईजका बादल कार्की प्रथम छोरेपाटन माविका तेन्जन रोक्का दितिय र सैनिक आवासिय माविका नारायण रानभाटले तृतिय स्थान हासिल गरेका छन् भने छात्रा तर्फको दौडमा छोरेपाटन माविकी विष्णु थापा प्रथम ,गौरीसंकर माविकी कविता मगर दितिय र मेघराज आवासिय माविकी एन्जेला जि टीले तृतिय स्थान हासिल गरेकी हुन् ।

प्रतियोगितामाा प्रथम हुने खेलाडीहरुलाई सात हजार,दितिय हुनेलाई पाँच हजार र तृतिय हुनेलाई तिन हजार र साथमा मेडल र प्रमाण पत्र प्रदान गरिएको थियो ।

विजयी खेलाडीहरुलाई पुरस्कार वितरण गर्दै पोखरा महानगरपालिकाकी उप प्रमुख मञ्जु गुरुङले खेलले शारिरिक र मानसिक रुपले स्वच्छ राख्ने भएकाले स्वच्छ मानिसले मात्र आफु,आफनो परिवार र राष्ट्रको लागि केही गर्न सक्ने धारणा राखेकी थिईन ।

सुर्य तारा क्लवका अध्यक्ष विष्णु पुनको अध्यक्षतामा भएको कार्यक्रममा वडा नं २९ का वडाअध्यक्ष श्रीप्रसाद गुरुङ,खेल संयोजक हरि वरुवाल,सदस्य सचिव कृष्ण प्रसाद अधिकारी लगाएतले चैत्र ३ गते देखि सुरु हुने खेल महोत्सवमा सक्रिय सहभागिता जनाउन अनुरोध गरेका थिए ।

खेल महोत्सवमा पुरुष फुटबल, विद्यालय स्तरीय नृत्य प्रतियोगिता, खुला महिला स्लो स्कुटर, गण्डकी प्रदेश स्तरीय तेक्वान्डो प्रतियोगिता, खुला ब्याडमिन्टन प्रतियोगिता, एथलेटिक्स प्रतियोगिता र संघसंस्था स्तरीय झाँकी प्रदर्शनी प्रतियोगिता हुने भएको हो ।प्रतियोगितामा नेपालभित्रका विभिन्न संघ, संस्था, क्लब एवं स्थानीय तहबाट खेलाडी सहभागी हुन सक्ने कार्यक्रम संयोजक विष्णु पुनले जानकारी दिएका छन् ।

फुटबल प्रतियोगितामा प्रथम हुनेले ३ लाख ३ हजार ३ सय ३३ रुपैयाँ नगद सहित प्रमाणपत्र र मेडल पाउने छन् । द्वितीय हुनेले १ लाख ७७ हजार ७ सय ७७ रुपैयाँ पाउनेछन् । प्रतियोगिताभर उत्कृष्ट खेलाडीले र सर्वाधिक गोलकर्ता र अनुशासित टिमले ७ हजार ७ सय ७७ रुपैयाँ पाउने छन् ।