लेखनाथ,२६ पुस । नेपाल रेडक्रस सोसाईटी पोखरा–२६ राखी उपाशाखाको ३० औं बार्षिक साधारण सभा विहिवार सम्पन्न भएको छ ।
साधारण सभाको उद्घाटन गर्दै नेपाल रेडक्रस सोसाईटी कास्की शाखाका सभापति दण्डपाणी पौडेलले आपत विपतमा परेकालाई सहयोग गर्ने संस्था नै रेडक्रस भएको बताएका छन् । पौडेलले मानव सेवा गर्ने विभिन्न तैर तरिका भए पनि रेडक्रसले विशुद्ध आपत विपतमा परेकालाई तत्काल उद्धार गरि ठुलो घटना हुनबाट बचाउनु नै रेडक्रसको मुख्य मर्म र भावना भएको बताएका हुन् ।
यस्तै शाखाका पुर्व सभापति बामदेव ढुगानाले आज भन्दा एक सय ६० वर्ष पहिला हेनरी ड्युनाले प्रतिपाद गरेको सिद्धान्त अहिलेको समयमा पनि विश्व मानव समुदायलाई सहि तरिकाले बुझाउन नसकिएको वताएका थिए । उनले रेडक्रसले मानवीय सेवाका लागि हिंसात्मक गतिविधीको रोकथाममा जनचेतना फैलाउनु पर्ने सुझाव राखेका थिए ।
नेपाल रेडक्रस सोसाईटी राखी उपाशाखा पोखरा २६ का सभापति शैलेन्द्रमोहन भटराईको अध्यक्षतामा भएको कार्यक्रममा पोखरा महानगरपालिका वडा नं २६ का वडासदस्य सुदिपराज ढुगाना, उप शाखाका पुर्व सभापति चन्द्रगोपाल रानाभाट, नरभुपाल पौडेल, नारायण प्रसाद बराल, संस्थाका सल्लाहकार ईश्वरी प्रसाद अधिकारी, झलकपाणी तिवारी, अम्विकामोहन भटराई, बैकुण्ठ बराल, सक्नेरी जेष्ठ नागरिक सेवा केन्द्रका अध्यक्ष जगन्नाथ तिमिल्सेना, नेपाल रेडक्रस सोसाईटी लेखनाथ उपाशाखा पोखरा–२७ का सभापति तिलकशाली सापकोटा लगायतले रेडक्रस अभियानका बारेमा जानकारी गराएका थिए ।
सोही कार्यक्रममा स्वर्गीय सावित्रीमोहन भटराईको स्मृतीमा स्थापना गरिएको अक्षयकोषबाट भवानी कालिका माविकी छात्रा प्रिती मगर, अमरज्योती गाउफर्क माविकी अस्मी भटराई र गरिव तथा जेहेन्दार विद्यार्थी उदय घर्तीलाई प्रदान गरिएको थियो भने स्वर्गीय दण्डपाणी तिवारीको स्मृतीमा स्थापीत अक्षयकोषबाट सक्नेरी जेष्ठ नागरिक सेवा केन्द्रलाई सम्मान गरिएको थियो ।
उप–शाखाका सचिव महेन्द्र ढुगानाले संचालन गरेको कार्यक्रममा स्वागत उप–सभापति देवि ढुंगाना र धन्यवाद ज्ञापन कार्यक्रम संयोजक बुद्धराज वस्यालले गरेका थिए ।
Discussion about this post