पोखरा । भारतको हैदरावादमा पुष २ देखि ५ गतेसम्म संचालित १० औं विश्व स्ट्रेन्थ लिफ्टिङ्ग एण्ड आईबिपि च्याम्पियनसिप २०२३ मा पोखराका राजेश सुवालले आईबिपिच्याम्पियनसिप अन्तर्गत रजत पदक जितेका छन् । उनी पोखरा तालचोकमा अबस्थित पावर जिम एण्ड फिट्नेशका संचालक तथा फिट्नेश प्रशिक्षक हुन् ।
लालबहादुर शास्त्री स्टेडीयममा ४ दिनसम्म संचालित खेलमा युरोप,अमेरिका र एशिया लगायतका १६ मुलुकको ३०० भन्दा धेरै खेलाडीको सहभागीता रहेको थियो । उनले मास्टर १ को ९५ केजि तौल समुहमा १३५ केजि र १४२.५ केजि गरि कुल २७७.५ केजिउठाई अन्य देशका प्रतिश्पर्धिलाई पाखा लगाई दोस्रो स्थान हासिल गर्न सफल भएका थिए । पहिलो स्थान भने भारतका खेलाडीले जितेका थिए ।
राजेशले ३ बर्ष अघि भारतमा नै भएको विश्व पावर लिफ्टिङ्ग प्रतियोगितामा पनि पदक जित्न सफल भएका थिए । उनी विगत २ दशक देखि बडिबिल्डिङ्ग तथा फिटनेश पेशामा सक्रिय रुपमा कार्य गर्दै आएका छन् ।
Discussion about this post