“रक्तदान जीवन दान, जीवनदान महादान” भन्ने उदेश्यका साथ राष्ट्रिय युवा संघ नेपाल पोखरा २७ कमिटी र पोखरा महानगर कमिटिको आयोजनामा सोमबार प्रथम बृहत रक्तदान कार्यक्रम सम्पन्न भएको छ। पोखरा २७ तालचोक मा सम्पन्न रक्तदान कार्यक्रममा ७१ युनिट रगत संकलन भएको राष्ट्रिय युवा संघ नेपाल पोखरा २७ कमिटीका अध्यक्ष किरण लामाले जानकारी दिएका छन्।
प्रमुख अतिथि तथा गण्डकी प्रदेशका निवर्तमान मुख्यमन्त्री तथा सांसद खगराज अधिकारीले युवा संघले गरेको रक्तदान कार्यक्रमको प्रशंशा गर्दै आगामी दिन हरुमा यस्ता कार्य लाई निरन्तरता दिनका लागि अनुरोध गरेका छन्।
कार्यक्रममा प्रतिनिधि सभा सदस्य तथा नेकपा एमाले कास्की जिल्ला अध्यक्ष मन बहादुर गुरुङ, नेकपा एमाले केन्द्रिय सदस्य तथा राष्ट्रिय युवा संघ नेपालका पुर्ब अध्यक्ष राजिव पहारी, रुपा गाउँपालिका अध्यक्ष नवराज ओझा, नेकपा एमाले पोखरा महानगर कमिटी अध्यक्ष दिलिप न्यौपाने लगायतले कार्यक्रमको सरहानिय गरेका थिए।
नेकपा एमाले कास्की जिल्ला उप सचिब दर्शन लामा, नेपाल खेलकुद महासंघ गण्डकी प्रदेश कमिटी अध्यक्ष बिष्णु पुन, राष्ट्रिय युवा संघ नेपालका केन्द्रिय सदस्य सुबाश सापकोटा, गण्डकी प्रदेशको सयोजक बिकाश अधिकारी लगायत को उपस्थित रहेको थियो।
Discussion about this post