पोखरा–२९ भण्डारढिकमा जारी टोलस्तरीय फुटबल प्रतियोगिता ‘वडास्तरीय खेलकुद कप २०८०’ मा मंगलबार क्वार्टरफाईनल चरणका खेलहरु सम्पन्न भएका छन ।
मंगलबार सम्पन्न पहिलो खेलमा नमुना टोल विकास संस्था ‘ए’ ले ३–२ को गोल अन्तरमा मिलिजुली टोल विकास संस्थालाई पराजित गर्दै सेमीफाईनलको यात्रा तय गरेको छ ।
यस्तै मंगलबार नै सम्पन्न दोश्रो खेलमा सिद्ध टोल विकास संस्थाले नौविसे टोल विकास संस्था ‘सि’ लाई ९–१ को फराकिलो गोल अन्तरले पराजित गर्दै सेमफिाईनलमा स्थान पक्का गरेको छ ।
बुधबार हुने सेमिफाईनलमा पहिलो खेल नमुना टोल विकास संस्था ‘ए’ र गणेश टोल विकास संस्था र दोश्रो खेल भण्डारढिक टोल विकास संस्था र सिद्ध टोल विकास संस्था विच हुने वडा सदस्य एवं वडास्तरीय खेलकुद विकास समितका अध्यक्ष कालिदास पोख्रेलले जानकारी दिए ।
Discussion about this post