लेखनाथ, ०९ मंसिर । लेखनाथ क्लव पाेखरा २६ र २७ घरेलुचाैर कास्कीले शनिबारबाट जाडाेकाे कपडा संकलन तथा निशुल्क वितरण कार्यक्रम शुरु गरेकाे छ ।
`हुनेले दिएर सहयाेग गराैं, नहुनेले लिएर सदुपयाेग गराैं´ भन्ने नाराका साथ आयोजीत कार्यक्रमको शुभारम्भ गर्दै पोखरा महानगरपालीका वडा नं २७ का वडाध्यक्ष पुर्ण कुमार गुरुङले क्लवले उदाहरणीय कार्य गरेकाेमा प्रशंसा गर्दै वडाकाे सामाजीक विकास काेषबाट नगद रु २५ हजार प्रदान गर्ने घाेषणा समेत गरेका थिए ।
कार्यक्रममा वडा नं २६ का वडा सदस्य तिर्थ बहादुर राजभाट, लेखनाथ उद्याेग वाणिज्य संघका वरिष्ठ उपाध्यक्ष राजेन्द्र ओझा, अर्घौं पौवा नेवा खलः का अध्यक्ष प्रकाशलाल श्रेष्ठ, समाजसेवी माया लामिछाने सापकोटा लगायतले हुनेले गरेकाे सानाे सहयाेगले नहुने र नसक्नेका लागि ठुलाे महत्व राख्ने भएकाले यस कार्यमा सबैले हातेमालाे गर्नुपर्नेमा जाेड दिएका थिए ।
अहिलेकाे विषम आर्थिक अवस्थाका कारण न्यून र मध्यम वर्गीय परिवार समेत संकटकाे अवस्थामा रहेकाे हुनसक्ने र जाडाेकाे माैसममा न्यानाे लुगाकाे जाेहाेसमेत गर्न गार्हाे पर्ने अवस्थालाई दृष्टिगत गर्दै कार्यक्रमकाे आयोजना गरिएकाले सबैले सहयाेग गरेर सफल बनाईदिन क्लबका अध्यक्ष बालगोपाल श्रेष्ठले आग्रह गरेका छन ।
लेखनाथ अर्घाैंचाेक स्थित प्रतिक्षालयमा स्टल निर्माण गरि आयोजना गरिएको उक्त कार्यक्रमकाे पहिलाे दिन शनिबार उल्लेखनीय रूपमा कपडा संकलन तथा वितरण गरिएको थियो ।
कार्यक्रममा सहयोग गर्न चाहने महानुभावहरुले कार्यक्रमस्थलमै आएर सहयोग गर्न सक्ने एवम् ९८०२८०७२४३, ९८४०३८५१०० मा सम्पर्क गरिदिन क्लवका सचिव सन्दिप थापाले आग्रह गरेका छन ।
Discussion about this post