लेखनाथ, ७ साउन । लेखनाथ उद्योग वाणिज्य संघको आसन्न १४ औं महाअधिवेशनमा युवा उद्यमी अर्जुन भण्डारीले कार्यसमिति सदस्य पदका लागि उम्मेदवारी दिने भएका छन् ।
संघमा यसअघि युवा उद्यमी उप–समितिको सह–संयोजक भएर अनुभव बटुलीसकेका भण्डारीले यसपाली युवाहरुको भावनालाई समेटेर उम्मेद्वारी दिने सोचमा रहेको वताए ।
पोखरा–२९ भण्डारढिकमा रहेर विगत ७ वर्षदेखी सेभेन वन्डर्स वाटर पार्क एण्ड रिर्सोट सञ्चालन गर्दै आएका भण्डारीले २०१७/१८ मा राष्ट्रिय स्तरको ‘ग्लोबल स्टुडेन्ट अन्टरप्रेनरसीपको फस्ट रनरअप’, २०२० मा युथ ईनिसियटिभ अर्वाड र २०२२ मा राष्ट्रि युवा सम्मेलनमा युवा उद्यमी अर्वाड प्राप्त गरीसकेका छन । त्यसबाहेक उनले विभिन्न अन्र्तराष्ट्रिय स्तरका सम्मेलनहरुमा नेर्तत्वविकाससँग सम्बन्धीत रहेर प्रस्तुती दिईसकेका छन ।
पृथ्वीनारायण क्याम्पसबाट माइक्रोबायोलोजीमा स्नातकसम्म अध्ययन गरेका उनी लेकसीटि युथ क्लबको अध्यक्ष भएर नेर्तत्व गरिसकेका छन भने विभिन्न सामाजीक संघ संस्थाहरुमा पनि आवद्ध रहेका छन । विगतदेखी नै लेउवासंघका गतिविधिहरुलाई नजिकबाट नियाल्दै आईरहेका भण्डारीले नेतृत्व तहसम्म पुगेर संस्थालाई समय सापेक्ष परिवर्तन गर्दै थप चलायमान बनाउन आफ्नो उद्धेश्यका साथ उम्मेद्वारी घोषणा गरेको वताए ।
संघलाई व्यवसायीहरुको भेटघाटको थलो मात्र नभई उद्यमी उत्पादन गर्ने थलो बनाउने र यसका लागी आवश्यक कोष खडा गर्ने, व्यवसायीक वातावरण निर्माण गर्ने, सदस्यता शुद्धिकरण गर्ने, युवा उद्यमीहरुको सञ्जाल गठन गर्ने, व्यवसायीक मैत्री निति निर्माणको लागी विभिन्न संस्था र निकायहरुसँग समन्वय गर्ने लगायतको आफ्नो उद्धेश्य रहेको भण्डारीले वताए ।
संघको अधिवेशन आगामी भदौ २२ र २३ गते हुँदैछ । संघको कार्यसमिति सदस्यमा मात्रै नयाँ र पुराना गरी झण्डै दुईदर्जन सदस्यहरु चुनावी मैदानमा उत्रिने आंकलन गरिएको छ । संघमा अध्यक्ष, बरिष्ठ उपाध्यक्ष, प्रथम उपाध्यक्ष, द्धितिय उपाध्यक्ष, महासचिव, उपमहासचिव र कोषाध्यक्ष सहित संस्थागत सदस्य एक, एशोसियट सदस्य एक, महिला आरक्षण सदस्य दुई र खुल्ला आठ सदस्यका लागि निर्वाचन हुनेछ ।
Discussion about this post